آمریکا جمهور باشلیغی دونالد ترامپ نینگ بیر توییت آرقهلی ایتیشیچه، طالبان گروهی بیر آمریکالیک عسکر شامل 12 کیشینی اولدیریش بیلن کته خطا قیلگن و حاضرده بو خطالرینی قندی جبران قیلیشنی بیلمهیدیلر.
جناب ترامپگه کوره، تینچلیک سوزلشوولرنی ایلگری آلیب باریش اوچون باشقه تاثیرلی یوللر باردیر.
کابل شهری نینگ ششدرک منطقهسیده یوز بیرگن خودکش هجوم نتیجهسیده، آمریکا عسکرلریدن بیری هلاک ایتیلگنیدن سونگ، آمریکا و طالبان گروهی آرهسیده بولگن تینچلیک سوزلشوولر توختهتیلیب قوییلدی.
عینحالده، ناتو حربی قومندانی جنرال تاد ولترز، چیتایللیک کوچلرنینگ افغانستانده حضور تاپیشی اوستیگه تاکید قیلهدی. اونینگ ایتیشیچه، چیتایللیک کوچلرنینگ افغانستاندن چیقیشی خصوصیده بحث ایتیلمهگن.
ناتو اوشبو ییریک مقامی نینگ ایتیشیچه، افغانستانده تینچلیک تامینلنیشی اوچون سعی و حرکت قیلهدیلر.
جناب ولترز نینگ کوپهیتیریشیچه، جمهورلیک ریاستی سیلاوی ییقینلنیشی بیلن کیسکین حمایهوی سیلاو خوفسیزلیگینی تامینلش خصوصیده امنیتی کوچلرگه یاردم بیرهدی.
شونینگدیک، افغانستان حکومتی نینگ اعلان قیلیشیچه، حاضرده جمهورلیک ریاستی سیلاوی نینگ یولگه قویلیشی اولویتگه قرار تاپکن و تینچلیک سوزلشوولر باشلهنیشی حکومت مسوولیتیدن دیر.
