هرات ولایتی بوییچه ایران قنسولی مسؤوللری نینگ ایتیشیچه، اوشبو مملکت قنسولی نینگ دیوارینی آرقه گه چیکیش گه حاضر بولگنلر، بیراق اوندن آلدین افغانستان حکومتی، ایران قنسولی دن بیر قسمی نی استملاک قیلیش بدلی ده وعده بیرگن ییرنی اولرنینگ اختیاریده قوییشی کیرهک.
افغانستان حکومتی ایکی آلدین کابینه ییغینیده آلگن قراری اساسیده، هرات ولایتی بوییچه ایران قنسولی نینگ ییریدن بیر مینگ و 600 متر مربع نی استملاک قیلیش بدلیده دارلامان منطقهسیده 2 مینگ و 248 متر مربع ییر و باشقه کابل ینگی شهر منطقهسیده 36 مینگ و 900 متر مربع ییرنی ایران ایلچیخانهسی نینگ اختیاریده قوییشنی بیلدیرگن.
بیراق، هرات ولایتی بوییچه ایران باش قنسولی محمد صدیقی فرنینگ ایتیشیچه، افغانستان حکومتی حاضرگهقدر بدیل ییرنی اولرنینگ اختیاریده بیرمهگن.
اونگه کوره، بو ییر ایران ایلچیخانهسی گه بیریلگن صورتده، اولر کیلیشوو اساسیده، قنسول دیوارینی آرقه گه چیکهدی.
هرات ولایتی بوییچه ایران باش قنسولی نینگ کوپهیتیریشیچه، بو مملکت قنسولی نینگ دیوارینی آرقه گه چیکیش خصوصیده، اولر بیفرق یاندهشمهگن و حاضرگهقدر قنسول دیواری نینگ آرقهسیده قوریلیش ایشلری 95% عملگه آشیریلگن.
هرات حاکمی سوزلاوچیسی جیلانی فرهادنینگ ایتیشیچه، محلی اداره مرکزی رسمیلر بیلن اویغونلیکده بدیل ییرنی ایران اختیاریده قوییش خصوصیده، سعی و حرکت قیلهدی.
شونینگدیک، هرات ولایت کینگشی اعضالری و یشاوچیلریدن بیرقطاری، مرکزی حکومت و کابل بوییچه ایران ایلچیخانهسیدن تیزلیککه بو ولایتده ایران قنسولی نینگ دیواری آرقه گه چیکیلیش قیینچیلیگینی حل قیلیشلرینی سورهگن.
هرات ولایتی بوییچه ایران قنسولی نینگ دیواری، قویاش 1394- ییل نینگ جدی آییده اوشبو شهرنینگ اصلی جادهسی کتهلشتیریش زمانیده ایران قنسولیدن رخصت سورهلمهی مذکور ولایت نینگ سابق شهرداری تامانیدن کوتریلگن.
