سیلاولر کمیسیونلریگه اصلاحات کیریتیش اوچون جمهور رییسنینگ صادر قیلگن تقنینی فرمانی ملی مجلس اعضالری طرفیدن رد ایتیلگندن سونگ، هلی ینه جمهور رییس باشقه بیر فرمانینی ملی مجلسگه یوبارگن.
سیلاولر قانونی و صلاحیتلری توغریسیده جمهور رییسنینگ صادر قیلن فرمانیگه اشاره قیلگن ملی مجلسنینگ بیر قنچه اعضالری حاضر بوندهی بیر فرمان صادر قیلیشنینگ وقتی ایمس دیب، جمهور رییس انه مساله گه عاید ملی مجلسگه پیشنویس یوباریشی کیرهک دیگنلر.
پارلماننینگ بوگون عمومی ییغینیده سوزلهگن مجلسنینگ اعضاسی میربت خانمنگل، سیلاولر قانونی و صلاحیتلری اوچون جمهور رییس تامانیدن ملی مجلسگه معین لایحه یوباریلیشینی ایتگن.
عین حالده، نمایندهلر مجلسینینگ باشقه بیر اعضاسی داوود کلکانی بوندهی فرمانلر صادر ایتیلیشینی مقصدگه موافق دیب، مذکور فرمان سیلاولر معماسی و قیین چیلیگینی حل قیلیش امکانیتیگه ایگه دیگن.
شونینگدیک کلکانی باشقه نمایندهلردن هم اوشبو فرمان اوستیده بحث قیلیب، اونینگ تقدیری توغریسیده ایجابی فکر بیریشلرینی سورهگن.
لیکن، بیر قطار ایش بیلرمانلر جمهور رییس غنینینگ مذکور فرمانی تصدیقله نیشی یا – ده در ایتلیشی ملی مجلس اعضالریده قولیده دیگنلر. سیاسی تحلیلچیلردن کبیر رنجبرنینگ سلاموطندار ترماغیگه ایتیشیچه، مملکت جمهور رییسی قانون یوزه سیدن فقط ملی کینگش ایشی باشلنمسدن آلدین بوندهی فرمانلرنی صادر قیلیش حقوقیگه ایگه دیگن.
تیفا یا افغانستان شفاف سیلاولر بنیادینینگ باشلیغی نعیم ایوب زاده، سیلاولر مسلهسی هلی بیر سیاسی اویینگه اوزگرگن دیگن. اونگه کوره، ملی کینگیش ینه حکومتده سیلاولر تیزیمیگه اصلاحات کیریتیش ارادهسی یوق دیگن.
