بوگون «سهشنبه» کابلده محرم مراسمینی 8- کونی مناسبتی بیلن یولگه قوییلگن ییغینده نطق سوزلهگن جمهورلیک ریاستی ایکینچی اورین باسری سرور دانشنینگ ایتیشیچه، اهالی سیاست یوزهسیدن بولگن تینچ تیریکچیلیکلرینی توزهتیش اوچون سیلاوگه اشتراک قیلیشی لازم. جناب دانش گه کوره، سیلاو دروازهسی اهالی یوزیگه یاپیلگن صورتده، برچه تینچ تیریکچیلیک یوللری یاپیلیشی ممکن.
جمهورلیک ریاستی ایکینچی اورین باسرینینگ کوپهیتیریشیچه، حاضرگی شرایطده سیلاو یولگه قوییلیش زمانینی آرتده قالدیریش یا-ده توختهتیش و شونینگدیک، وقتینچهلیک اداره ایجاد قیلیش یا-ده بویوکلر جرگهسی یولگه قوییلیش شعارلری امکاندن اوزاق دیر.
جناب دانشنینگ ایتیشیچه، سیلاو کمیسیونینینگ دروازهلری هر بیر کیشی یا-ده گروه تامانیدن باغلهنیشی عمومی منفعت، یشاوچیلرنینگ اساسی حقوقی و مملکت اساسی قانونی گه قرشی بولهدی.
.jpg)
بیراق افغانستان ملی نوین جبههسینینگ باشلیغی انورالحق احدینینگ بوگون "سهشنبه" کابلده بیر خبری ییغین آرقهلی ایتیشیچه، سیلاوده قولابکارلیک صورت تاپیشی خواطرلنترووچی دیر. جناب احدیگه کوره، سیلاو تینقلیگینی تضمین قیلیش اوچون بایومتریک ستیستمینینگ قوریلیشی بیرینچی یول دیر، بیراق حکومت و سیلاولر ایرکین کمیسیونی حاضرگهقدر بو توغریده دقت قیلمهگن.
عینحالده، بیرلشگن ملتلر تشکیلاتینینگ افغانستان دهگی خاص نمایندهسی آنتونیو گوتریش، نمایندهلر کینگشی و تومنلر کینگشی سیلاولرینینگ آرته قولیشی احتمالی بارلیگینی بیلدیرگن. اونینگ ایتیشیچه، امنیتی و سیاسی قینچلیک باعث سیلاولر تقومیگه اوزگرشلیک کیلتیریش مملکن دیر.
