قطرده طالبان سیاسی دفتری سوزلاوچیسی سهیل شاهین نینگ سلاموطندارگه ایتیشیچه، طالبان و آمریکا نمایندهلری آرهسیده تینچلیک کیلیشوونامهسیگه قول قوییش زمانی بیلگیلنمهگن، بیراق بو گروه تینچیلیک کیلیشوونامهسینی امضاءلش گه حاضر دیر.
جناب شاهین نینگ ایتیشیچه، تینچلیک کیلیشوونامهسینی برچه مادهلری نهایی بولگن و یالغیز خلق ارا کوچلری نینگ چیقیش جدولی تطبیق ایتیلیشی توغریسیده طالبان آرهسیده بحث دوام ایتماقده.
عین حالده، سیاسی ایش بیلرمان و طالبان گه یقین منبعلردن بیری وحید مژده نینگ سلاموطندارگه ایتیشیچه، احتمال باریچه طالبان و آمریکا نمایندهلری آرهسیده تینچلیک کیلیشوونامهسی 28- اسد، قطر باشکینتی دوحهده امضاءلنیشی ممکن.
اونگه کوره، آمریکا و طالبان نمایندهلری نینگ تینچلیک سوزلشوولری نهایی بولیب و کیلیشیلگن.
جناب مژده نینگ کوپهیتیریشیچه، تینچلیک کیلیشوونامهسی امضاءلنیش مراسمیده اسلامی همکارلیکلر تشکیلاتی، بیرلشگن ملتلر تشکیلاتی، فرانسه، ناروی و باشقه بیرقطار مملکتلرنینگ نمایندهلری اشتراک قیلیشی ممکن.
مذکور سیاسی ایش بیلرمان نینگ ایتیشیچه، تینچیلیک کیلیشوونامهسیده حربی کوچلر، استخباراتی و مصلحتچیلر شامل آمریکا کوچلری بوتونلهی چیقیشی کیریتیلگن و بو کوچلر 2020- ییلگهقدر افغانستان نی ترک قیلهدیلر.
شونینگدیک، سیانان خبری ترماغی گه صحبت بیرگن منبع نینگ ایتیشیچه، آمریکا و طالبان نمایندهلری آرهسیده بولگن تینچیلیک کیلیشوونامهسی افغانستان مستقللیگی نینگ یوز ییللیگی نشانلنیشی گه برابر 19- اگست امضاءلنهدی.
شو توغریده…
ترامپ افغانستان تینچلیگی توغریسیده آقسرای ییریک مصلحتچیلری بیلن اوچرهشدی
