پاکستان دولتی نینگ استخبارات تشکیلاتی یا-ده آیایآی، اوتگن کون اسلامآباد بوییچه افغانستان ایلچیسی عاطف مشعل نینگ، مذکور تشکیلات گه چقیرگن.
سیاسی ایش بیلرمانلر، آیاسآی تشکیلاتی نینگ بو ایشینی افغانستان اهالیسی گه قرشی اهانت بیلیب و ایتیشیچه، پاکستان نینگ بو ایشی دیپلوماتیک عادتی گه قرشی دیر.
سیاسی ایش بیلرمان محبالله شریف نینگ ایتیشیچه، خلق ارا کنوانسیونلری اساسیده، بوتون مملکتلر دیپلوماتیک عادتینی رعایت قیلیشی کیرهک.
جناب شریف نینگ کوپهیتیریشیچه، پاکستان دولتی نینگ استخبارات تشکیلاتی افغانستان ایلچیسی گه اهانت قیلگن و افغانستان حکومتی بو توغریده جدی شکلده عکسالعمل بیلدیریشی لازم.
جناب شریف گه کوره، آیاسآی تشکیلاتی نینگ بو حرکتی دیپلوماتیک عادتی و انسانی قاعده گه قرشی دیر.
شونینگدیک پاکستان نینگ بو حرکتی افغانستان حکومتی نینگ عکسالعملی گه روپهرو بولدی. اوتگن کون تشقی ایشلر وزیرلیگی بیر خبرنامه ترقهتیب، پاکستان بوندی بیر حرکت بیلن دیپلماتیک رسمی نی آیاق آستی قیلگن دیگن ایدی.
خبرنامهده پاکستان حکومتیدن افغانستان بیلن دیپلماتیک علاقهلرینی خلق ارا کنوانسیونلر اساسیده آلغه آلیب باریشی سورهلگن.
سیاسی ایش بیلرمانلردن باشقه بیری انتظار خادم نینگ ایتیشیچه، مملکتلر آرهسیده دیپلماتیک علاقهلر حقلر، وجیبهلر و مسئولیتلر اساسیده قوریلگن و ایکی تامان بو مسئولیتلرنی عمل گه آشیریش گه مسئولیتلی دیر، بیراق پاکستان بو اصول نی رعایت قیلمهیدی.
جناب خادم حکومتدن، بیلیمدان و مسلکی کیشیلرنی افغانستان نمایندهسی صفتیده تعیین ایتیشی نی سورهگن.
بو توغریده اسلامآباد بوییچه افغانستان ایلچیسی و شونینگدیک تشقی ایشلر وزیرلیگی سوزلاوچیسی نینگ فکرینی آلیش ایستهدیک، بیراق کوپینچه سعی و حرکتلر بیلن موفق بولمهدیک.
