سنامجلسی اعضالریدن بیرقطاری، شنبه کون کابلده خبری بیر ییغین اوتکزیب، برقی کیملیک ترقهتیلیشی خصوصیده، اجراییه ریاستی تامانیدن تکلیف ایتیلگن ریجهنی مملکت اساسی قانونیگه قرشی دیگنلر.
اولرگه کوره، مملکت اساسی قانونینینگ تورتینچی مادهسی ایکینچی فقرهسیده افغانستان خلقینینگ برچهسیده افغانستان کیملیگی بولیشی لازملیگی قید ایتیلگن.
اوشبو سناتورلرنینگ ایتیشیچه، اجراییه ریاستی تامانیدن تکلیف ایتیلگن ریجهنی قبول قیلمهیدیلر و ینگی کیملیکلرگه افغان کلیمهسی کیریتیلیشینی سورهگنلر.
سنامجلسی اعضاسی شیرمحمد آخندزادهنینگ ایتیشیچه، افغان کلیمهسی کیریتیلمهگن کیملیکنی قبول قیلمهیدی.
اولرنینگ آگاهلنتیریشیچه، حکومت ایستکلریگه دقت قیلمهگن تقدیرده، کینگ ناراضیلیک نمایش یولگه قویهدیلر.
بیراق، اجراییه ریاستی سوزلاوچیسی مجیبالرحمان رحیمینینگ ایتیشیچه، اوشبو ریجه قانونگه قرشی بولمهی و الکترونیکی کیملیککه قوم آتی کیریتیلیشی توغریسیدهگی جنجللرنی یکونلنتیریش اوچون ییچیم یول دیر.
جناب رحیمیگه کوره، الکترونیکی کیملیکلر ترقهتیلیشی خصوصیدهگی ینگی ریجه جمهور رییس و افغانستان دولتی مالی حمایه چیلری تامانیدن قبول قیلینگن.
اجراییه ریاستی سوزلاوچیسینینگ ایتیشیچه، کیملیک کارتنی باشیده افغانستان جمهوریتی کیملیگی یازیلگن و افغان کلیمهسی کیریتیلیشی کیرهک ایمس.
ملی بیرلیک حکومتی بیرینچی کون ایشلریده برقی کیملیک ترقهتیشگه قرار قیلدی، بیراق بو لایحه جنجلگه تارتیلدی و مملکت یشاوچیلری بیلن مدنی فعاللریدن بیرقطاری، کیملیکده افغان کلیمهسی کیریتیلیشیگه قرشی ناراضیلیک بیلدیردیلر. اولرنینگ ایشانچیگه کوره، کیملیک کارتنی باشیده افغانستان جمهوریتی کیملیگی یازیلگن و افغان کلیمهسی کیریتیلیشی کیرهک ایمس دیر.
اجراییه ریاستی تامانیدن تکلیف ایتیلگن ریجهده، کیملیککه قوشیمچه، باشقه بیر معلوماتی کارت، برچه اهالیگه ترقهتیلهدی.
