سیاسی ایش بیلرمانلردن بیرقطارینینگ ایتیشیچه، آمریکا و طالبان نمایندهلری آرهسیده بولگن سوزلشوولرنینگ 7- دورینی ایجابی نتیجه بیریشی ممکن. اولرنینگ کوپهیتیریشیچه، طالبان گروهی و آمریکا افغانستانده اوروش نینگ یکونلهنیشینی ایستهیدی.
بیراق، طالبان گروهینینگ سابق رسمیلریدن بیری سیداکبر آغا نینگ ایتیشیچه، تینچلیک سوزلشوولرنینگ 7- دوریده چیتایللیک کوچلر چیقیشی توغریسیده صحبت ایتیلیشی ممکن. اونینگ ایتیشیچه، چیتایللیک کوچلرنینگ افغانستاندن چیقیش موضوعسی بیللی بولمهگن صورتده، طالبان گروهی باشقه موضوعلر خصوصیده صحبت قیلمهیدی.
افغانستان تینچلیک لایحهسی بوییچه آمریکا خاص نمایندهسی زلمی خلیلزاد، "شنبه" کونی دورهیی سفرینی باشلهگن. گزارشلرگه کوره، اوشبو سفرده اونینگ افغانستان، پاکستان، آلمان، بلژیک، عرب بیرلشمه اماراتی و قطر رسمیلری بیلن اوچرهشووی ممکن.
عینحالده، پاکستان تشقی ایشلر وزیرلیگی سوزلاوچیسی محمدفیصل نینگ اوشبو وزارت نمایندهلرینی جناب خلیلزاد بیلن اوچرهشووی خصوصیده توییتر صحیفهسیده یازیشیچه، بو مملکت افغانستان تینچلیک لایحهسیگه یاردم بیریشگه تیار دیر.
پاکستان تشقی ایشلر وزیرلیگی سوزلاوچیسی، جناب خلیلزاد نینگ سفری توغریسیده جزییات بیرمهگن، بیراق افغانستانده بولگن اوروش نینگ یکونلنتیریش اوچون بوتون یوللر تیکشیریلهدی دیگن.
جناب خلیلزاد نینگ توییتر صحیفهسیده یازیشیچه، تینچلیک سوزلشوولرنینگ 7- دوریده منطقه و خلق ارا هماهنگلیگی و تینچلیک چارچوبی توغریسیده بحث ایتیلهدی.
طالبان رهبری ملاهبتالله، رمضان هییتی مناسبتی اوچون ترقهتگن پیامیده اوشبو گروه مقصدیگه قول تاپگنگهقدر اوروشگه دوام بیرهدی دیگن بیرچاغده، افغانستان تینچلیک لایحهسی بوییچه آمریکا خاص نمایندهسی منطقه مملکتلریگه بولگن سفرینی باشلهگن.
شوتوغریده…
