.jpg)
عدلیه وزیرلیگی افغانستانده حزبلر حکومت تامانیدن حمایت بولمهگنی دلیل ولایتلرده نماینده لیکلری یوق و مالی منبع تاپیش اوچون تشقی مملکتلرگه مراجعت قیلهدیلر دیدی.
سنا کینگشی نینگ بوگونکی ییغینیده عبدالبصیر انورنینگ افغانستانده فعالیت قیلهدیگن حزبلر ایریک قیینچیلیگی مالی منبعلری بولمه گنلیگی سبب، حکومت تامانیدن تمویل قیلینمهگن حالده تشقی مملکتلردن یاردم سورهیدیلر دیدی.
عدلیه وزیری نینگ ایتیشیچه، سیاسی حزبلردن کوپیسی سیاسی فعالیتلریده اوقووچیلردن استفاده قیله دیلر. انوری نینگ کوپهیتریشیچه، تیزلیکده حزبلر باشلیغلری بیلن قیینچیلیکلرنی ایچیش اوچون بیرگهلیک اولتیریش آلهدیلر.
وزیرنینگ صحبتلری سنا کینگشی اعضالریگه قانیقرلی ایمس ایدی، بیراق سنا کینگشی نینگ ایکینچی اورین باسری محمد علم ایزدیارنینگ ایتیشیچه، دولت نینگ پارلمان بوییچه وزیری تامانیدن سنا کینگشیگه یوباریلگن مکتوبده، مملکتده سیاسی قیینچیلیکلر بولگنی سبب دولت قیله آلمیدی سیاسی حزبلر فعالیتینی سناتورلربیلن شریک قیلسه دیگن.
عدلیه وزیرلیگی رسمیلری نینگ ایتیشیچه، مملکت بویلب 75 سیاسی حزب فعالیت قیلهدی، بیراق 11 حزب معیارنی پوره قیله آلمهگنی اوچون سیاسی حزبلر لیستیدن چیقاریلگن و شوحاضر رسمی شکلیده 62 حزب فعالیت قیلهدی.
