افغانستان جمهورلیک ریاست سیلاوی نینگ نامزدلریدن بیری و اسلامی حزب رهبری گلبدین حکمتیار، کابل ده یولگه قویگن سیلاو کمپاینی جریانیده ایتیشیچه، خوفسیزلیک کوچلری مقدس انگیزه بیلن اوروش گه بارمهیدی، بلکیم کمبغللیک و ایشسیزلیک باعث، پولیس و حربی تشکیلاتی گه قوشیلهدیلر.
اونگه کوره، کونده خوفسیزلیک کوچلریدن کوپینچهسی حکومت گه قرشی قوراللی عصیانچیلر بیلن بولگه اوروش ده هلاک ایتیلهدیلر.
شونینگدیک، حکمتیارنینگ ایتیشیچه، کیلهسی جمهورلیک ریاست سیلاویده اونینگ یالغیز رقیبی تقلب دیر و سیلاو شفاف و عدالتلی شکلده یولگه قوییلگن صورتده، او یوتوققه ایریشهدی.
بیراق، کابلده خبری بیر ییغین اوتکزگن جمهورلیک ریاست سوزلاوچیسی صدیق صدیقی، حکمتیارنینگ بو بیاناتلرینی مسؤولیتسیزلیک و اهانتلی بیلیب و او، مملکت خوفسیزلیک کوچلریدن عذر سورهشینی طلب قیلدی.
جمهورلیک ریاست سیلاوی نینگ نامزدلری، سیلاو کمپاینلری جریانیده بیر-بیراویدن تنقید قیلهدیلر؛ بیراق بو بیرینچی مرته کیم، جمهورلیک ریاست نامزدی سیلاو کمپاینی ده خوفسیزلیک کوچلری گه قرشی سوز یوریتگن.
