مملکت تشقی ایشلر وزیری صلاحالدین ربانی بوگون (جمعه) بغلان ولایتیده سیدمصطفی کاظمی و اونینگ یولداشلری اولدیریلگن لیگی نینگ 9 ییللیگی مناسبتی بیلن اوتکزیلگن ییغینده چیقیش قیلیب، ملی بیردملیک حکومتی رهبرلری ایچیدهگی سونگی قرمه قرشیلیکلرگه اشاره قیلیب، اخیرگی ضدیتلر مرکزلشتیریلگن تیزیم نینگ باشی بیرک کوچگه کیریب قالگن لیگینی کورستهدی دیگن.
جناب ربانی، دنیا مملکتلری هم تیزیم ناکاملیگینی توشینگنلر و انه شو باعث حمایت قیله دیگن مملکتلرنینگ کوپینچهسی بو تیزیمدن یوز اوگرگنلر دیدی. او، حاضر انقراضدن چیقیش نینگ یگانه یولی حکومت رهبرلری بیر قول بولیشی ینه سیاسی جریانلر اتفاق بولیشلریگه قرهشلی دیگن.
مملکت حاضرگی انقراضیدن خواطر بیلدیرگن ملی بیرلیک حکومتی نینگ اجراییه ریاستی باشلیغی داکتر عبدالله عبدالله، بوگونکی قیینچلیکلرنینگ برچهسی ملی بیرلیک حکومتی وجودگه کیلیش اوچون امضا چیکیلگن شرطامه نینگ مادهلر تطبیق ایتیلمسلیگیدن ایلدیز آلهدی دیدی.
شونینگدیک اجراییه باشلیغی ملی بیرلیک حکومتی پایهلری مستحکملهنیشی اوستیده علیحده تاکید ایتگن. ملی بیرلیک حکومتی وجودگه کیلیشی اوچون قول قوییلگن کیلیشوونینگ بوتون مادهلری عملی بولیشی حقیده ینه بار اورغولب منه بولرنی تیلگه آلگن: «مملکت نینگ کته قسمی انقراضگه اوچرهگن و حاضرگی شرایطده ملی بیرلیک حکومت ایجاد ایتیلیشی اوچون امضا چیکیلگن شرطنامه عملی بولیشیدن باشقه نرسه سورهی میمیز»
اوروش تامانلردن تینچ اهالیگه تلفات ییتکزیشدن قول کوتاریب، مخالفلردن سیاسی مبارزه گه اوتیشلرینی طلب قیلگن او.
ملی بیرلیک حکومتی تاسیس بولگندن کیین مملکت اهالیسی بیر نیچه بار حکومت رهبرلری اورتهسیده قرمه قرشیلیکلر پیدا بولیشیگه گواه بولدیلر. اما، اخیرگی مورد ده جمهور رییس نینگ بیرینچی اورین باسری جنرال عبدالرشید دوستم جمهور رییس غنی و اجراییه ریاستی باشلیغینی سابقهسیز روشده قومپرستلیککه عیبلهدی.
