میدیالرگه ییتیشگن حجت اساسیده، مملکت باش محکمهسی جمهور رئیس نینگ ایش دورهسینی کیلهجک جمهورلیک ریاستی سیلاوی یولگه قوییلیب و ینگی جمهور رئیس تنلنگونگهقدر اوزهیتیرگن.
بیراق، حقوقدانلردن بیرقطاری نینگ ایتیشیچه، جوزا آیی نینگ بیرینچی کونیدن سونگ جمهور رئیس نینگ ایشی دوام قیلیشی توغریسیده باش محکمه تامانیدن آلینگن قرار سیاسی و مملکت اساسی قانونی گه قرشی دیر.
سلاموطندارگه صحبت بیرگن حقوقدان وحید فرزهیی نینگ ایتیشیچه، جوزا آیی نینگ بیرینچی کونیدن سونگ جمهور رئیس نینگ ایشینی دوامی ناقانونی بولهدی.
جناب فرزهیی گه کوره، قانون تفسیری قانون روحی گه مطابقت حکم اساسیده عمل گه آشیریلهدی.
شونینگدیک، افغانستان بوییچه حقوقدانلر بیرلیگی اعضاسی عبدالغیور غیورنینگ ایتیشیچه، جمهور رئیس نینگ ایشی دوام قیلیشی توغریسیده باش محکمه تامانیدن آلینگن قرار سیاسی، تکلیفی و افغانستان اساسی قانونی گه قرشی دیر.
بیراق، حقوقدانلردن باشقه بیری عبدالکبیر رنجبرنینگ ایشانچی گه کوره، جوزا آیی نینگ بیرینچی کونیدن سونگ بوشلیک وجودگه کیلهدی و باشقه محکمه بو بوشلیکنی تولدیریش گه حقلی بولهدی.
جناب رنجبرگه کوره، باش محکمه قانون روحی اساسیده قرار قیلگن.
افغانستان اساسی قانونی نینگ 61- مادهسی اساسیده، جمهور رئیس نینگ ایش دورهسی بیشینچی ییل، 1- جوزا ده یکونلنهدی و ینگی جمهور رئیس تعیین ایتیلیشی اوچون جمهور رئیس نینگ ایش دورهسی یکونلنیشی دن 30-60 کون آلدین جمهورلیک ریاستی سیلاوی یولگه قوییلهدی.
باش محکمه نینگ اوشبو فرمانی صادر ایتیلیشیدن آلدین، سیاستچیلر، حقوقدانلر و جمهورلیک ریاستی سیلاوی نینگ نامزدلریدن بیرقطاری، بیشینچی ییل، 1- جوزا دن سونگ، جمهور رئیس غنی نینگ ایشی دوام ایتیشی گه قرشیلیک بیلدیریب و وقتینچهلیک حکومت تشکیل ایتیلیشینی ایستهگن ایدیلر.
شو توغریده…
افغانستان باش محکمهسی جمهور رئیس نینگ ایش دورهسینی اوزهیتیردی
