یاروغلیک حرکتینینگ اعضالری دهمزنگ حادثهسیگه عاید حقیقتنی تیکشیریش اوچون حکومت تامانیدن تشکیل ایتیلگن کمیسیون نا قانونی دیگنلر. اوشبو حرکتنینگ اعضالری، حقیقتنی تیکشیروچی کمیسیونینگ نتیجهسی حاضردن یاروغلیک حرکتی شهیدلری خانهدانی تامانیدن مردود دیگنلر.
بوگون (چهارشنبه) کابلده اوتکزیلگن خبری ییغینده گپیرگن یاروغلیک حرکتینینگ اعضاسی داوود ناجی، یاروغلیک حرکتی اعضالری نظرده حکومت همده امنیتی کوچلرنینگ دهزنگ حادثهسیده قولی بارلیگینی ادعا قیلگن. اونگه کوره، حقیقتنی تیکشیروچی کمیسیون قانونی ایمس و طرف سیزلیک بیلن هم عمل قیله آلمیدی.
جناب ناجی، حکومت یوقاری مرتبهلی رسمیلری دهمزنگ واقعهسینینگ اصلی عامللری ایکن لیکلرینی تیلگه آلگن. ناجی، هجوم آلدی آلینیشی اوچون اعتبار بیرمهگنلر.
یاروغلیک حرکتینینگ ینه بیر اعضاسی احمدبهزاد، حکومت عدالت اوچون ارادهلی بولگن تقدیرده، "ایکینچی اسد جنایتی" یاروغلیک حرکتینی حمایت قیلیب، خلق ارا تشکیلاتلر نظری استیده خلق ارا حقیقتنی تیکشیروچی کمسیون تشکیل ایتیلیشینی دستکلهشی ضرورو.
جناب بهزاد، ملی بیرلیک حکومتی اسد آیی نینگ ایکینچی کونیده نمایش اوتکزگنلر امنیتینی تامین قیلیش اورنیگه اوزینی خوفسیزلیگینی تامین قیلیشگه حرکت قیلگن ایدی دیدی.
اسد آیینینگ ایکّینچی سیده دهمزنگ چهاراههسیده یوز بیرگن قانلی واقعهده 84 قربان بولگن ایدی و 231 انسان آغیر یینگیل یره لنگندی.
بو توغریده جمور رییسلیک سرایی فکرینی اورگهنیش اوچون آلیب بارگن سعی و حرکتلریمیز نتیجه بیرمهدی.
