جمهورلیک ریاستی تامانیدن ترقهتیلگن پیامده یازیلیشیچه، جمهور رئیس غنی بیر حکم صادر قیلیب، علیاحمد عثمانینینگ مملکت سوو و برق وزیرلیگی مقامیدن چیکلنتیرگن.
اوشبو حکمده کیلیشیچه، جناب عثمانینینگ اورنیده، انرژی اورین باسری انجنیر محمدگل خلمی، مذکور وزیرلیکنینگ سرپرستی صفتیده تعیین ایتیلگن.
جمهور رئیس و سوو و برق وزیرینینگ آرهسیدهگی تارتیشوولر، جناب عثمانی تاپی پروژهسینی آچیلیش مراسمی گه چقیریلمهگنیدن سونگ، میدیاگه چیقدی.
اوشبو دوران ده جناب عثمانی، نمایندهلر کینگشینینگ استیضاحیدن هم اوتدی. نمایندهلر کینگشی اعضالریدن بیرقطاری، بو استیضاح نی قانون گه قرشی دیگنلر، لیکن نمایندهلر کینگشی کاتبینینگ اورین باسری عرفانالله عرفاننینگ ایتیشیچه، سوو و برق وزیری هرات ولایتینینگ آب پاشدان، فاریاب ولایتینینگ المار و پکتیا ولایتینینگ مچلغو توغانلری قوریلیشی و پروژهلری تطبیق ایتیلیشی خصوصیده، دقت سیزلیک قیلگنی باعث، استیضاح قیلینگن.
شونینگدیک، نیچه هفته آلدین، امنیتی کوچلر جناب عثمانینینگ کابلدن چیقیشیگه توسیق بولدی و بلخ ولایتیده ایکی کته پروژهنی آچیشگه رخصت بیرمهگن. بو موضوعلردن سونگ، ایشانچلی بیر منبعنینگ سلاموطندارگه ایتیشیچه، جمهور رئیسنینگ شخصی بویروغی اساسیده، سوو و برق وزیری بلخ گه سفر قیله آلمهگن.
ایش بیلرمانلردن بیرقطارینینگ ایشانچی گه کوره، جمهور رئیس غنینینگ کابینهسیده علیاحمد عثمانی، بیرینچی ایش بیلرمان و شایسه وزیر ایدی، بیراق اجرایی صلاحیتلری اونچهلیک نظرگه آلینمس ایدی.
