خوست حاکمی محمدصدیق پتمن، بیراغ ملی کونی نی نشانلش مراسمیده حقانی ترماغی اساسچیسی جلالالدین حقانی نینگ بویوک قهرمان صفتیده ایسلهگن.
خوست حاکمی نطق سوزلش جریانیده نیچه مرته جلالالدین حقانیدن «کتته مجاهد» و «بویوک قهرمان» صفتیده ایسلهگن.
پتمن حقانی نینگ قهرمان خطاب قیلیش گه علاوه، اهالیدن او و اونینگ عایلهسیگه حرمت بیریشلرینی سورهگن.
بیراق افغانستان حکومتی هردایم بو مملکتده یوزبیرگن قانلی هجوملرگه حقانی ترماغی نینگ مسئول بیلگن.
شونینگدیک مملکت ملی خوفسیزلیگی نیچه مرته حقانی ترماغی نینگ داعش گروهی گه همکارلیک قیلیش گه عیبلهگن.
حقانی ترماغی نینگ رهبری خوست حاکمی تامانیدن بویوک بیر قهرمان صفتیده ایسلنگن بیرحالده، مذکور گروه سونگی ییللردهگی قانلی هجوملر توغریسیده عیبلنگن. مملکت ملی خوفسیزلیگی گه کوره، اوشبو گروه حاضرهم ترورچیلیک هجوملر خصوصیده طالبان جنگریلریگه همکارلیک قیلهدی.
بیراق بو ادعا هردایم طالبان تامانیدن رد بولگن.
