طالبان سوزلاوچیسی ذبیحالله مجاهد نینگ توییتر صحیفهسیده یازیشیچه، افغانستان بوییچه آمریکا خاص نمایندهسی زلمی خلیلزاد و طالبان نمایندهلری آرهسیده بولگن سوزلشوولرنینگ 9- دوری قطرده باشلنگن.
جناب مجاهدنینگ توییتر صحیفهسیده یازیشیچه، اوشبو سوزلشوولرده طالبان گروهینی شیرمحمد عباس استانکزی رهبرلیک قیلهدی و آمریکا تامانیدن زلمی خلیلزاد و بو مملکت نینگ افغانستاندهگی کوچلری قومندانی جنرال اسکات میلر اشتراک قیلگن.
طالبان گروهی نینگ سوزلاوچیسی، طالبان گروهی نینگ قطردهگی سیاسی دفتری باشلیغی ملاعبدالغنی برادرنینگ سوزلشوولر 9- دوریده اشتراک قیلمهگنی خصوصیده معلومات بیرمهگن.
عینحالده، والستریت ژورنال کوندهلیگی نینگ آمریکا مقاملریدن نقل قیلیب ایتیشیچه، آمریکالیکلر 18 دن باشلب 24 آی جریانیده اوز کوچلرینی افغانستاندن چیقاریشینی ایستهیدی، بیراق طالبان گروهی مذکور کوچلرنی 9 دن باشلب 12 آی جریانیده چیقاریلیشی اوستیگه تاکید قیلهدی.
ایتیلیشیچه، آمریکا و طالبان نمایندهلری آرهسیده بولگن سوزلشوولر نتیجه بیرگن صورتده، آمریکا حربیلریدن 8600 تهسینی تیزلیککه افغانستاندن چیقیشی ممکن و اوشبو مملکت باشقه حربیلری 2020- نینگ اکتبر آی گهقدر افغانستانی ترک قیلهدی.
باشقه تاماندن چیتایللیک کوچلرنینگ افغانستاندن چیقیشی خصوصیده بوگون خواطرلر کوپهیگن. آمریکا سناتورلریدن بیری ایندسی گرامام، آمریکا حربیلرینینگ افغانستاندن چیقاریلیشی خصوصیده خواطر بیلدیرگن.
