روسیه تشقی ایشلر وزیری نینگ ایتیشیچه، قطار مملکتلرنینگ بیرلشگن ملتلر تشکیلاتی تامانیدن قبول قیلینگن قاعدهلرگه قرشی حرکتلری، دنیانینگ حاضرگی قیینچیلیکلری جملهدن افغانستان نی حل قیلمهیدی.
بوگون «پنجشنبه» مسکوده افغانستان حکومتی نینگ سابق رسمیلری و سیاستچیلریدن بیرقطاری نینگ حضوریده 8- دور خلق ارا خوفسیزلیک ییغینیده نطق سوزلهگن روسیه تشقی ایشلر وزیری سرگئی لاوروف نینگ ایتیشیچه، روسیه دنیا مملکتلری اینیقسه امریکاگه یاردم بیریش اوچون تیار دیر.
بیراق، ملت گه دولت حساب بیریش ییغینیده نطق سوزلهگن مملکت تشقی ایشلر وزیرلیگی سرپرستی صلاحالدین ربانی نینگ ایتیشیچه، مملکت ده تینچلیک و برقرارلیک تأمینلنیشی خصوصیده دنیا و منطقه کوچلری تامانیدن بولینهدیگن بوتون سعی و حرکتلرنی افغانستان خوش قرشیلیدی.
جناب ربانی نینگ ایتیشیچه، بو ییغینده افغانستان تینچلیک سوزلشوولر جریانی بحث گه آلینهدی و بوندهی ییغینلر نتیجهسی دنیا و منطقه بوییچه کته بیر کیلیشوو ایجاد ایتیلیشی گه سبب بولهدی و اونگه اساس افغانستانده حقیقی شکلده تینچلیک و برقرارلیک تأمینلنهدی.
جناب ربانی نینگ کوپهیتیریشیچه، مملکت دیپلماسی تشکیلاتی افغانستان تینچلیک لایحهسی خصوصیده دنیا و منطقه بویی کیلیشوونی کوچلنتیریش اوچون مملکت و تشقریده کوپینچه ییغینلرنی یولگه قویگن.
تشقی ایشلر وزیرلیگی نینگ قیلگن ایشلری و برنامهلری توغریسیده مذکور وزیرلیک سرپرستی نینگ ایتیشیچه، حاضرگهقدر اوتمیشلرده قانون گه قرشی ایریم سیمالرنی اختیاریده بولگن 4 مینگ دن آرتیق سیاسی پاسپورت توپلنگن؛ اوتگن ییلده مذکور وزیرلیکده عیاللر حضوری 7% دن 14% گه آشگن و شونینگدیک، 143 خلق ارا شرطنامهسی کابینه گه تکلیف قیلینگن و کابینه تامانیدن بو شرطنامهلرنی برچهسی تصدیقلنگن.
