«چهارشنبه» کون کابلده خبری بیر ییغین اوتکزگن افغانستان سیلاولرینی تیکشیرووچی اداره رسمیلرینینگ ایتیشیچه، سیلاولر کمیسیونلرینینگ احتمالی کمیشنرلرینی تنلش خصوصیده، تنلش کمیته ایشینینگ بیر یریم آیلیک جریانیدن آلینگن معلوماتگه قرهگنده، مذکور کمیتهنینگ ایشی معیاری ایمسلیگی معلوم قیلینگن.
افغانستان سیلاولرینی تیکشیرووچی اداره اعضاسی حبیبالله شینوارینینگ ایتیشیچه، تنلش کمیته تامانیدن تنلنگن کیشیلر بیلن اوتکزگن صحبتلریده سوراقلر بیللی بولمهگنی، کمیته اعضالری معیاری ایمسلیگی بیلگیلنگن.
جناب شینوارینینگ کوپهیتیریشیچه، تنلش کمیتهنینگ سونگی رویخطیده تجربهلی، مدنی جماعهچیلیک فعاللری و متخصصلر کورینمهیدی. بیراق، میلادی 2014- ییل جمهورلیک ریاستی سیلاوینی قیینچیلیککه دوچ کیلتیرگن تورت کیشینینگ آتی کوریلهدی.
افغانستان سیلاولرینی تیکشیرووچی ادارهنینگ باشقه بیر اعضاسی محمودشاه ملنینگ ایتیشیچه، سونگی رویخطگه قیته تیکلهنیب و یا ده اولرنینگ ایچیدن یخشیلری تنلهنیشی لازم.
تنلش کمیته بیر آیدن کیین، نتیجهده سیلاولر کمیسیونلری اوچون نامزد بولگن 720 کیشینینگ آرهسیدن 21 کیشینی سیلاولر کمیسیونی و باشقه 15 کیشینی سیلاولر شکایتلریگه تیکلش کمیسیونی اوچون تنلب و اولرنینگ رویخطینی جمهورلیک ریاستیگه یوبارگن.
