بو ییل مالی ییل نینگ بیرینچی آلتی آییده فقط 15.5% ترقیات بودجه مصرف بولگن. بوگون مالیه/ سالیق، اقتصاد، سوو برق، عدلیه، فواید عامه وزیری و تدارکات کمیسیونی نینگ باشلیغی جاری ییل بیرینچی آلتی آی نینگ ترقیات بودجهسی مصرفی بارهسیده جواب بیریش اوچون مجلسگه چقیریلگن ایدی.
مالیه وزیری اکلیل حکیمی، قابلیت یوقلیگی تدارکات و امنیتده موجود قیین چیلیکنی ترقیات بودجهنینگ کم مصرف بولگن لیگی نینگ بیرینچی عاملی حسابلنهدی دیگن. اونینگ ایتیشیچه، مساله تیکشیریلیشی اوچون کمیته تشکیل بولگن. کیلهجکده تدارکاتی و مالی لایحه تعیین ایتیلگن وقتده عملی بولیشی ضرور دیگن او.
بوگون مجلس نینگ عمومی ییغینیده سوو برق وزیری حاضر بولمهگن وفواید عامه وزیرلیگی نینگ سرپرستیگه جواب بیریش اوچون رخصت بیریلمهگن. اقتصاد همده عدلیه وزیرلیگی بودجه مصرف بولمهگن لیگینی اعتراف قیلیب، فساد و قابلیت بولمهگن لیگینی بودجه صرف ایتیلمهگنلیگی نینگ بیرینچی عاملی دیگن.
تدارکات کمیسیونی نینگ باشلیغی یما یارینینگ ایتیشیچه، 4700 لایحهدن 81% لایحه نینگ اجرا بولیش صلاحیتی ادارهلرگه بیریلگن و فقط 19% پروژه تدارکات کمیسیونیگه قرهشلی دیگن.
جناب یارینینگ سوزلریگه قرهگنده، کوپینچه وقتلرده ملی و ییریک بیر پروژه اوچون فقط بیر صفحهلیک حجت بو یوباریلهدی و بو قبیل موضوعلر ایسه تدارکات کمیسیونی فعالیتلرینی قیینچیلیککه روپه ره قیلهدی.
ترقیات بودجهنی صرفلهآلمسلیک هر ییل ییریک قیین چیلیکلرنی توغدیرهدی. اوتگن ییل ایسه ترقیات بودجهنی صرفه آلمهگن لیک سبب کابینه نینگ 7 وزیری صلاحیتی آلینیب سرپرست حالده قالگن ایدی.
