ایریم ییتکرمه (رسانه)لر بلخ ولایتی سرپرستی همده اسلامی جمعیت حزبی نینگ اجراییه باشلیغی عطامحمد نورگه یقین منبعلرگه اساسلب یازگن گزارشده، جناب نور بیلن جمهور رییسغنی اورتهسیده ایریم مسالهلر اوستیده کیلیشیلگنی بارهسیده اشاره قیلگن. اوشبو، شرطنامهگه موافق جمهور رییسغنی بلخ والیسیگه بیرگن وعدهلر یوزهسیدن جناب نور کابل کیلهدی.
«شمال امپراطوری بلخنی ترک ایتهدی» نامی آستیده ترقهتیلگن گزارشلرده، عطامحمد نور حکومت نینگ مهم بیر لوازمیگه تعیین بولیشی بیلن کابلگه کیلیشی کوتیلهدی دییلگن. عطا اوزیگه یقین طرفدارلردن بیرینی بلخ ولایتی مقامیده قالیشینی جمهور رییسگه تکلیف قیلگن. شونینگدیک اوشبو گزارشنینگ بیر بولیمیده جناب عطامحمد نور جمهور رییس غنیدن باشقه ینه قطار طرفدارلری هم مهم لوازملرگه ایشگه آلینیشینی سورهلگنی یازیلگن.
عطامحمد نور تامانیدن سلاموطندارگه کیلگن بیاناتده اوشبو مسالهلر جدی شکلده رد قیلینگن. اعلامیهده جناب نور، نیچه مرته جمهور رییسغنی بیلن اوچرهشگن، لیکن اخیرگی پیتلرده اوتکزگن ملاقاتده جدی بولگنلیگی یازیلگن. اما نیچه لوزم یا- ده نیچه نرسه «جمهور رییسلیک سرایی بیلن بولگن ملاقاتلریده» محاکمه بولمهگن. اما، دولت نینگ یوقاری مرتبهلی ملازمی صفتیده جمهور رییس بیلن اوچرهشیب ملاقات قیلیشده حقلی ایکن لیگینی تیلگه آلگن جناب عطا. اما« مینگ بوتون ایستکلریم فقط اوزیمگه یقین کیشلر مهم لوازملرگه آلینیشی بیلن چیکلهنیب قالیشی مقالهنی یازگن یازووچی نینگ معلوماتی چَله ایکن لیگیدن دلالت بیرهدی.»
شونینگدیک جناب نورنینگ ایتیشیچه، «کمینهنینگ جمهور رییس بیلن اوچرهشیب ملاقات اوتکزیشی ینگی بیر مساله ایمس. افغانستان نینگ سیاسی و مهم سیما صفتیده اوتگن ییللرده هم جمهور رییسلیک سیلاولرده هم ییریک بیر کوچ اولهراق افغانستان نینگ اینگ بویوک اقتدارلی حزبلریدن بیری نینگ اجراییه باشلیغی صفتیده خلق ینه حزب منفعتلری چهارچوبهسیده حکومت و هر بیر سیاسی جریان بیلن اوچرهشیب ملاقات اوتکزیش حقلی من»
ترقهتیلگن مقالهده گلزلمی یونسی، عبدالجبار آریایی، محمدجواد عثمانی و محمد ربیعلر ترتیب اساسیده افغانستان نینگ تاجیکستان اوچون ایلچیسی، آلمانده افغانستان ایلچیلیگی اورین باسری، اقتصاد وزیرلیگی اورین باسری و ساغلیقنی سقلش وزیرلیگی اورین باسری صفتیده جمهور رییسگه تکلیف بولگن لیگلری یازیلگن. کوندهلیک مقاله نینگ یکونیده اوشبو لوازملرگه تعین ایتیلیشی تکلیف بولگن برچه کیشیلر«بلخ ده دنیاگه کیلگن»لر دییلگن.
عین حالده، جناب نورنینگ بیاناتیده بوندن آلدین هم بعضی کیشیلر قابلیتلریگه کوره ایریم دولت ملازملریگه تعیین بولگنلری معلوم قیلینگن و « بیر مرته اویلب کورسک بو کیشیلرنی ایشگه آلینیشی مذاکره نینگ بیر بولیمی بولسه اصلا بو توغری گپ ایمس»
عطامحمد نورنینگ تاکیدلهشیچه، بولرنینگ اینگ اساسی ایستکلری: «سیاسی شرطنامه تطبیق ایتیلیشی و مملکت اداری همده سیلاولر تیزیمگه اساسی شکلده اوزگریش کیلتیریش» دیر.
جناب نورگه کوره، جمهور رییس بیلن اوتکزگن اوچره شووی اوزاققه چوزیلگنلیگی بولرنینگ ایستهگی جدی و مهم بولگن لیگی مذاکره جریانی چوزیلگن لیگیدن معلوم بولهدی. او« بیزنینگ ملاقاتلریمیز یوقاریده ایسله تیلگن تورت – بیش کیشی دولتنینگ مهم لوازملریگه آلینیشی بیلن اوزاققه چوزیلمس لیگیگه شبهه یوق ایدی» دیدی جناب عطا.
مقاله نینگ بیر بولیمیده بلخ ولایتی نینگ سرپرستی حکومت نینگ مهم لوازمیگه ایشگه آلینیشی بیلن ولایت لوازمینی ترک قیلیشی حقیده یازگنی توغریسیده منه بولرنی تیلگه آلدی جناب عطا. «مذکور مقاله مینینگ وظیفهام حقیده یازیگن نرسه بوتونلی اساس سیز دیر. کمینه اوزیم اوچون هیچ بیر مهم لوازمنی انابتگه آلمهگن من. بو مساله مینینگ اوچون بیرینچی ایمس. ملاقاتلرده اوزیم اوچون ینگی لوازمنی تکلیف قیلگن موضوعنی بوتونلی رد ایتهمن»
شونینگدیک نشر بولگن اوشبو مقالهده عطا محمد نور بیلن اشرفغنی نینگ کیلیشگن لیگی استاد برهان الدین ربانینی کرزیگه قوشلگنلیگی تمثال دییلگن. جناب نور گزارش نینگ اوشبو بولیمینی « جوده ناتوغری» دییه ایتیشیچه، «مقاله نینگ بو قیمسیده یازیلگن موضوع شهید رهبرنینگ جایگاهیگه اهانت دیب بیله من. مقالهنی یازگن و بو بحثنی ایلگری سورگنلرگه بیزلر هیچ بیر یامان معامله گه شریک ایمس و هیچ بیر زمان نادرست تاماننی هم تنلمهگن میز»
عین حالده جناب نور، سیاست و اوروش میدانیده مملکت خلقی اوچون 50 ییل صداقتلی کورهش آلیب بارگن برهانالدین ربانی عالی تینچلیک کینگشی امتیاز ایمس، بلکه اونینگ فداکارلیگلری محصولی حسابلنهدی بوندهی لوازملر دیگن.
عطا محمد نور مملکتدهگی سیاسی بیر سیمالردن حسابنلهدی. او2014- ییل جمهور رییسلیک سیلاولرده عبداللهعبدالله نی قوللب قوتلهگن ایدی. عطا، بلخ ولایتی سرپرست لیگیدن علاوه افغانستاندهگی اینگ قدرتلی حزبلردن بیری اسلامی جمعیت حزبی نینگ اجراییه باشلیغینی مدیریت قیلیب کیلهدی.
