اجتماعی ترماقلرده ترقهتیلگن «نمایندهلر کینگشی و تومنلر کینگشی سیلاولری اوچون مرکز و لایتلرده دولتی ادارهلرنینگ ایشلاوچیلری قولیلیکده رویخطگه آلینیشی اوچون بوش کونلر رویخطی» نامیدهگی رویخطگه کوره، دولتی ادارهلرنینگ ایشلاوچیلری آواز بیرووچیلرنی رویخط گه آلیش لایحهسیگه اشتراک قیلیش اوچون هفته کونلری حکومت تامانیدن اختصاص بیریلگن.
بیراق، جمهورلیک ریاستینینگ مطبوعات دفتری سرپرستی شاهحسین مرتضوی، مذکور رویخط توغری و ناتوغریلیگی توغریسیده هیچ نرسه دیمهی اورغولشیچه، آواز بیرووچیلرنی رویخطگه آلیش لایحهسیده اشتراک قیلیش اوچون کیمسه زورلنمهیدی.
عین حالده، آتلری فاش ایتیلیشینی ایستمهگن دولتی ادارهلرنینگ ایشلاوچلریدن بیرقطارینینگ ایتیشیچه، حکومت صلاحیتلریدن فایدهلنیب تیزیم شکلده اولرنینگ آواز بیرووچیلرنی رویخطگه آلیش لایحهسیده اشتراک قیلیشگه زورلهیدی. شونینگدیک، امنیتی منبعلردن بیری گزارشده آتی فاش ایتیلیشینی ایستمهی، دولتی ایشلاوچیلرنینگ ادعالرینی تصدیقلیدی.
باشقه تاماندن، هلمند حاکمی و قندهار پولیس قومندانلیگینینگ اعلان قیلیشیچه، یالغیز کیملیکلریده سیلاولر کمیسیونینینگ نشانهسی بولگن یشاوچیلرنینگ ایستک و عریضهلری قبول قیلینهدی.
شونینگدیک، افغانستان تنیق سیلاولر بنیادی یا-ده تیفا باشلیغی نعیم ایوبزادهنینگ ایتیشیچه، دولتی ادارهلرنینگ ملازملری آواز بیرووچیلرنی رویخطگه آلیش لایحهسیگه اشتراک قیلیشی توغریسیده بویروغ بیریلیشی اوچون مذکور اداره تامانیدن حکومت گه بیر ریجه تکلیف قیلینگن ایکن.
عین حالده، سیاسی ایش بیلرمان بشیر بیژننینگ ایتیشیچه، سیلاولرگه اشتراک قیلیش اختیاری دیر و بو لایحه یا-ده باشقه لایحه گه دولت ملازملرینی زورلش مملکت اساسی قانونی گه قرشی دیر.
آواز بیرووچیلرنی رویخطگه آلیش لایحه 25- حمل ده باشلندی؛ بیراق اوتگن سیلاولردن اهالینینگ اچیق تجربهسی آواز بیرووچیلرنی رویخطگه آلیش لایحهسیده اولرنینگ کینگ شکلده اشتراک قیلیشی گه توسیق بولگن.
