بوگون «سهشنبه» کابلده اوتکزیلگن خبری بیر ییغینده مملکت سابق جمهور رئیسی حامد کرزی نینگ ایتیشیچه، مملکتده حاضرگی قان توکیشلر آلدی آلینیشی اوچون تینچلیک تأمینلنیشی کیرهک و بو موضوع خصوصیده، بوتون افغانستان یشاوچیلری سعی و حرکت قیلیشلری لازم.
جناب کرزی، سیلاودن سونگ، قیینچیلیک وجودگه کیلیشیدن خواطر بیلدیریب ایتیشیچه، سیلاوگه نسبتن تینچلیک جریانی گه اولویت بیریلیشی کیرهک.
شونینگدیک، اوشبو ییغینده سابق جهادی رهبرلردن بیرقطاری، سیلاوگه نسبتن تینچلیک جریانی گه تأکید قیلیشگن.
سابق جهادی رهبرلردن بیری محمدیونس قانونی نینگ ایتیشیچه، اولر اوچ کونلیک ییغیندن سونگ، تینچلیک اوچون هر تامانلمه بیر ریجه تیارلنیشی خصوصیده، بیر کمیسیون تعیین قیلگن.
اونگه کوره، بو کمیسیون ریجهنی مملکت سیاستچیلری و یشاوچیلری بیلن شریک قیلهدی و اولرنینگ توشونچهلرینی آلگندن سونگ، بو ریجهنی حکومت گه تاپشیرهدی.
جناب قانونی نینگ کوپهیتیریشیچه، سیلاو ادارهلریده اساسی اصلاحات کیریتیلمهگن و سیلاو کمیسیونلری نینگ اعضالری ایرکین ایمس دیر و شو یوزهدن سیلاو یولگه قوییلیشی قیینچیلیککه سبب بولیشی خصوصیده، خواطر توغدیرگن.
حکومت نینگ سابق رسمیلری و سابق جهادی رهبرلر، سیلاوگه نسبتن تینچلیک اونملی بولگنی اوستیگه تأکید قیلیشگن بیرچاغده، کیلهجک هفته شنبه کونی جمهورلیک ریاست سیلاوی یولگه قوییلیشی توغریسیده قرار قیلینگن.
اوشبو ییغین گه عکسالعمل جمهورلیک ریاست سرایی نینگ ایتیشیچه، مردم سالارلیک و دموکراتیک توزوم دوامی سیلاو یولگه قوییلیشی گه باغلیق بولگن.
جمهورلیک ریاست سوزلاوچیسی صدیق صدیقی نینگ توییتر صحیفهسیده یازیشیچه، 6- میزان ده جمهورلیک ریاست سیلاوی یولگه قوییلهدی و سیاسی سیمالر اهالی نی سیلاوده اشتراک قیلیشلری اوچون آلقیشلشلری کیرهک.
شو توغریده…
سیلاو کمپاینلری نینگ سونگی کونیده نامزدلر سونگ سوزلرینی ایتیشدی
