مملکت جمهور رئیسی محمداشرف غنینینگ هییت نمازیدن سونگ ایتیشیچه، هییت مناسبتی و تینچلیک مصلحتی قورولتاییگه حرمت قیلیش اوچون قماقخانهده بولگن 887 محبوس نینگ قوییب یوباریلیشدن خبر بیرگن.
جناب غنی، اوشبو محبوسلرنینگ قوییب یوباریشینی اوز صلاحیتیدن بیلهدی. اونینگ ایتیشیچه، تینچلیک مصلحتی قورولتاییده اهالی نمایندهلری نینگ ایستهگی اساسیده، بو ایش صورت تاپگن.
جمهور رئیس نینگ کوپهیتیریشیچه، تینچلیک مصلحتی قورولتاییده حسننیتینی اثباتلش اوچون قمراوده بولگن 175 محبوسنی قوییب یوبارگن ایدی، بیراق بو قورولتاییده اشتراک قیلگنلر بو رقم نینگ کوپهیشینی طلب قیلگن و انهشو سبب، بو فرمان صادر ایتیلگن.
جناب غنی نینگ ایتیشیچه، مذکور محبوسلرنینگ بیرینچی دستهسی اسد آییده و ایکینچی دستهسی ایسه سنبله آییده قوییب یوباریلهدی.
اونینگ کوپهیتیریشیچه، رمضان هییتی مناسبتی اوچون درمان لنمهیدیگن کسللر و یاشی یوقاری بولگن محبوسلرنی قوییب یوباریلیش فرمانی صادر ایتیلگن و کیلهجک اون کونگهقدر اولرنینگ آزاد ایتیلیشی ممکن.
جمهور رئیس نینگ صبحتلری بیر بولیمیده ایتیشیچه، سرطان آیی نینگ 6- تاریخیده پاکستانگه سفر قیلهدی و بو سفرنینگ ایجابی نتیجه بیریشی ممکن.
جناب غنی نینگ جمهورلیک ریاستی سیلاوینی تینیق شکلده یولگه قوییلیشی اوستیگه تاکید قیلیب ایتیشیچه، جمهورلیک ریاستی نامزدلرینی سیلاو اصولی توغریسیده او بیلن مذاکره قیلیشی کیرهک.
