اوتگن کون مزارشریف گه سفر قیلیش اوچون علیاحمد عثمانی گه امنیتی کوچلر تامانیدن رخصت بیریلمهگنی توغریسیده، نمایندهلر کینگشیده هرات نمایندهسی فرهاد مجیدینینگ بیاناتلری یشاوچیلرنینگ جدی عکسالعملی گه روپهره بولدی و شونینگدیک، بیرقطاری کیشیلر، امنیتی کوچلرنینگ بو حرکتینی «استبدادگرلیککه قیتیش» دیگنلر.
لیکن، سوو و برق وزیرلیگی رسمیلری، بو موضوع توغریسیده رسمی شکلده فکر بیلدیرمهگن، بیراق مذکور وزیرلیکدن ایشانچلی بیر منبعنینگ سلاموطندارگه ایتیشیچه، اوشبو وزیرلیک تورت کون آلدین، جناب عثمانینینگ سفرینی ایچکی ایشلر وزیری، ملی خوفسیزلیک باشلیغی و محلی ارگانلر بیلن شریک قیلگن، بیراق اوتگن کون جناب عثمانی مزارشریف حرکت قیلماقچی بولگنده، امنیتی رسمیلر سوو و برق وزیرینینگ اوچیشی گه رخصت بیرمهگن.
منبع گه کوره، سوو و برق وزیری اولردن توسیق بولیش دلیلینی سورهگنده، اولر چیقمهسی توغریسیده بویروغ بیریلگنینی ایتگن. منبع دن نقل بولیشیچه، جمهورلیک ریاستی، اجراییه ریاستینی کوچسیز قیلیب و امتیاز و یوتوقلرینی ارگ نینگ منفعتی گه یکونلنتیریش اوچون سعی و حرکت قیلهدی.
منبع نینگ کوپهیتیریشیچه، اجراییه باشلیغی عبدالله عبدالله هردایم سوو و برق وزیری دن حمایت قیله دی و سوو و برق وزیری گه رخصت بیریلمه گن مسئلهنی جمهور رئیس بیلن شریک قیلگن، بیراق بو موضوع حاضرگچه حل ایتیلمهگن. منبع نینگ کوپهیتیریشیچه، سوو و برق وزیری اجراییه ریاستی تامانیدن حکومت گه تانیشتیریلگن و اجراییه ریاستی دن بویروغ آلهدی.
بیراق، جمهورلیک ریاستینینگ مطبوعات دفتری اورین باسری شاهحسین مرتضوینینگ سلاموطندارگه ایتیشیچه، سوو و برق وزیری علیاحمد عثمانی بو موضوع توغریسیده عکسالعمل بیلدیرگونگهقدر، جمهورلیک ریاستی فکر بیلدیرمهیدی.
اوشبو موضوع توغریسیده اجراییه ریاستی فکرینی اورگهنیش اوچون علاقه قوردیک، بیراق صحبت آلیش گه مؤفق بولمهدیک.
شونینگدیک، بوندن آلدین خبری بیر ییغینده جناب عثمانینینگ ایتیشیچه، جمهور رئیس تاپی پروژهسی آچیلیش مراسمیده اونینگ اشتراک قیلیشی گه توسیق بولگن.
