حکومت اجراییه ریاستینینگ مسووللری، برقی کیملیکلر ترقهتیلیشی اوچون ینگی لایحه ایشلهنیشی بارهسیده خبر بیرگنلر.
اجراییه ریاستی سوزلاوچیسینینگ اورین باسری جاوید فیصلنینگ ایتیشیچه، اوشبو طرح اساسیده برقی کیملیکلر ترقهتیلیشی یانیده کیشینینگ برچه خصوصیتلری بیریله دیگن چپتهده یازیلهدی.
جناب فیصل، برقی کیملیکلر ترقهتیش پروژهسینی حمایت قیله دیگن برچه ادارهلر تامانیدن تصدیقلگن اوشبو لایحه جمهور رییسلیک سراییهگه یوباریلگن دیگن.
اونگه کوره، بو چپتهده برچه قرمه قرشی موضوعلر حل بولیشی تکلیف ایتیلگن.
قوم خصوصیتلر یازیلیشی اوستیدن چیققن جنجللر سبب برقی کیملیکلرنی ترقهتیش جریانی نا معلوم وقتگه قدر توختهتیب قوییلدی.
اوشبو ملی لایحه جنجاللی بولگندن کیین پروژهنی مالی حمایت قیله دیگنلر قول کوتاریب برقی کیملیکلرنی ترقهتیوچی اداره بعضی بیر قیین چیلیکلرگه روپه ره بولگندن سونگ بیرچه ملازملرینی ایشدن آلیب رخصت بیرگن ایدی.
ایش دن آلینگن ملازملر ناراضیلیک نمایش اوتکزیب ایشگه آلینیشلرینی سورهگن ایدی. بولرنینگ اعضتراضیگه جواب بیرگن حکومت، برقی کیملر ترقهتیلیش جریانی باشلنگن حالده، بو ادارهنینگ برچه ملازملری قیتهدن ایشگه آلینشی بارهسیده وعده بیرگن ایدی.
اما، بوگون کابل ده بیر خبری ییغین اوتکزگن برقی کیملیکلر ترقهتیش ادارهسینینگ سابق ملازملری، مذکور اداره ینگیدن ملازم ایشگه آلیشی ایتیلهدی؛ لیکن، بو ایش قانونگه مخالف دیگنلر.
برقی کیملیک ترقهتیش ادارهسینینگ سابق ملازمی اسدالله عزیز، برقی کیملیکلر ترقهتیش لایحهسی باشلنگن تقدیرده، ایش قانونینینگ 21،22، و 27 مادهسیگه موافق بو ادارهنینگ سابق بوتون ملازملری ایشگه آلینیشی درست دیگن.
عین حالده، افغانستان ایچکی ایشلر وزیرلیگینینگ سوزلاوچیسی صدیق صدیقینینگ سوزلریگه کوره، بو وزیرلیکده ایشلش برچه اوچون بیر سان. او، برقی کیملیکلر ترقهتیش ادارهسینینگ سابق ملازملری قانونگه موافق قیتهدن اوز وظیفهلریگه قیته آله دیلر دیگن.
