تانیلگن سیما همده سابق جهاد قوماندانلریدن بیری محمد اسماعیلخان حوت آیی نینگ 24 – هرات خلقی نینگ اوشه وقت حکومتی گه قرشی عصیان کوتارلگن لیگی نینگ 38- ییللیگی مناسبتی بیلن اویوشتیریلگن ییغینده نطق سوزلب؛ جمهور رییس غنی ترورچیلرنی نابود قیلیشده چیت ایللیک کوچلردن یاردم سورهشی اورنیده مجاهدلردن کومک طلب قیلیشینی تیلگه آلگن.
اونینگ ایتیشیچه، مملکتدهگی ییریک سیاسی قرارلرگه جهاد رهبرلرینی شریک قیلینیشی افغانستان حاضرگی معماسی حل بولیشی اوچون اساسی رولی بار.
ملی بیرلیک حکومتی رهبرلرینی تنقید آستیگه آلگن جهاد نینگ بو رهبری، حاضرگی تیزیم مینگلب یاش نینگ قانی بلدیده قولگه کیلگن دیگن.
لیکن، حکومت رهبرلری نینگ تفاوت سیزلیگی قوشنی دولتلردهگی جنایتچی همده ترورچی گروهلر مملکت خلقی اوچون کته باش آغیریق بولگن دیگن.
حکومت رهبرلری آغیر اویقودن توریشلری بارهسیده آگاهلنتیرگن جناب اسماعیلخان، موجود معما حل بولیشی اوچون اساسی برنامه قولگه آلیشلری درکار دیگن.
اونینگ آگاهلنتیریب ایتیشیچه، حکومت رهبرلری اویقودن توریب مملکت خلقی تقدیریشی معلوم بولیشی اوچون اساسی لایحه نظرده توتیشلری ضرور.
جناب اسماعیلخان، احتیاج سیزیلگن تقدیرده، ملی کوچلر یانیده توریب افغانستان ییر بوتونلیگیدن حمایت قیلیشی اوستیده تاکید ایتگن.
ییغینده نطق سوزلهگن قطار دین عالملری ملی بیرلیک حکومتی رهبرلرینی تنقید آستیگه آلیب، حکومت اهالی جانی و مالی تامین بولیشی اوچون موفق عمل قیلمهدی دیگنلر.
اولر، حکومت خلق نینگ امنیتی تامین بولیشی اوچون لازم درجهده ایش کورمهگن حالده، اهالی بیلن دولت اورتهسیده بوندن هم کوره فاصله وجودگه کیلیشی بارهسیده علیحده تاکید قیلگنللر.
