مملکت مخدرمادهگه قرشی کورهش وزیرلیگی دنیا بیردملیک کونی و مخدر مادهگه قرشی کورهش ملی بسیج هفتهسینی کابلده ییریک ییغین اوتکزیش بیلن نشانلهدی.
بوگون (یکشنبه) جمهور رییس غنی نینگ ایکّینچی اورین باسری سرور دانش بو ییغینده مخدرمادهنی قاچاق ایتیش و کوکنار ییتیشتیریش مملکتده نابرقرارلیک نینگ بیرینچی عاملی حسابلنهدی دیگن. ترورچیلر اوروش بودجهسی شو یول بیلن تامین بوله دیگن او.
جمهور رییس نینگ ایکّینچی اورین باسری، مخدرمادهگه قرشی کورهش یولیده حکومت نینگ آلیب بارگن سعی وحرکتلریگه قرهمهی، بو توغریده حکومت برنامهسی ناکام لیگینی اعتراف قیلگن.
افغانستان مخدر مادهلرگه قرشی کورهش وزیری سلامت عظیمی، مخدر مادهگه قرشی مبارزه قیلیش نیتده معیین برنامهلر عملگه آشیریلیشینی تیلگه آلگن. وزیرلیک باشقه تیگیشلی ادارهلر همکارلیگی بیلن مخدر ماده ایلدیزیدن یوق ایتیلیشی اوچون عملی آدیملر کوتارهدی دیگن خانم عظیمی.
مخدرمادهگه قرشی کورهش وزیرلیگی نینگ مسووللری، مملکتده مخدرمادهگه قرشی کورهش اوچون مخدرمادهگه قرشی مبارزه قیلیش قانونیگه اساسی اوزگیریش کیریتیلگن دیدیلر.
مخدر مادهگه قرشی کورهش ملی بسیج هفتهسی هلمند، ننگرهار، میدان وردک و باشقه بیر قطار ولایتلرده نشانلگن.
