حکومتنی تنقید قیلگن جمهور رییسنینگ بیرینچی اورین باسری عبدالرشید دوستمنینگ اخیرگی سوزلریگه اشاره قیلگن بیر قنچه سیاسی تحلیلچیلر، بو قبیل سوزلر اهالی اورتهسیده ایشانچسیزلیک و دولت – ملت توزیش جریانیگه سلبی تاثیر قالدیرهدی دیگنلر.
جناب دوستم اوتگن کون قیلگن اظهاراتلریده جمهور رییس و اجراییه رییسی سیاسی قدرتنی ارهلریگه تقسیمم قیلیب اونگه هیچ سهم قایل بولمهگن لیکلرینی ایتگن ایدی.
جناب دوستمنینگ سوزلرنی تنقید قیلگن سیاسی تحلیلچی محب الله زغم نینگ سلاموطندارگه ایتیشیچه، ایریم پیتلرده سیاسی رهبرلرنینگ موضع گیرلیگی اهالی نینگ حکومتگه نسبتن ایشانچسیزلیگیگه سبب بولهدی.
اوشبو سیاسی تحلیلچیگه کوره، حکومتنینگ رهبرلری ایچکی مسالهلرینی مطبوعاتگه چیقارمسدن اوز ایچلریده حل قیلیشلری ضرور. چونکه دولت قوراللی مخالفلری هم حکومت رهبرلرینینگ ایچکی مخالفتلرینی سوء استعمال قیلهدی.
اما، باشقه بیر تحلیلچی لطیف نظری، جناب دوستمنینگ اخیرگی سوزلری ملی بیرلیک حکومتی ایچیده سیاسی تیزیم ییرک قیین چیلیککه یوز توتگن لیگینی انگلتهدی دیدی.
جناب نظری، افغانستانده سیاسی توزیلیش قومی چیگرهگه ایلنگنونگه قدر، قدرت اهالی اورتهسیده تقسیم بولمی، رهبرلر ارا بولینگن حالده، مملکت ملت سازلیک معمالری بیلن روپه ره بولیب تورهشی اوستیده تاکید قیلگن.
او، بوندهی مسالهلر حل ایتیلیشینینگ یگانه یولی شایستهسالارلیک، تخصص و قدرت اهالی اورتهسیده بولیشینی بیلن ممکن دیگن.
