طالبان سابق مقاملریدن بیرقطاری نینگ ایتیشیچه، معلوماتلریگه کوره، آمریکا و طالبان نمایندهلری افغانستاندن چیتایللیک کوچلرنینگ چیقیش خصوصیده کیلیشگن.
طالبان سابق رسمیلریدن بولمیش مولوی قلمالدین نینگ سلاموطندارگه ایتیشیچه، بوگون "چهارشنبه" افغانستان تینچلیک لایحهسی خصوصیده چینده بیر ییغین یولگه قوییلگن و قطار مملکتلرنینگ نمایندهلری بو ییغینده اشتراک قیلگن.
اونینگ ایتیشیچه، افغانستان تینچلیک لایحهسی بوییچه آمریکا خاص نمایندهسی زلمی خلیلزاد بو ییغینده اشتراک قیلیب افغانستاندن چیتایللیک کوچلرنینگ چیقیشی خصوصیده معلومات بیرگن.
مولوی قلمالدین نینگ کوپهیتیریشیچه، آمریکا و طالبان نمایندهلری چیتایللیک کوچلرنینگ افغانستاندن چیقیشی خصوصیده کیلیشگن. و جناب خلیلزاد بو ییغیندن سونگ، آمریکاگه سفر قیلهدی.
اونینگ ایتیشیچه، جناب خلیلزادنینگ قیتیب کیلگنیدن سونگ، تینچلیک سوزلشوولرنینگ 7- دوری دوام تاپهدی و افغانستاندن چیتایللیک کوچلرنینگ چیقیش کیلیشوونامهسینی بیرلشگن ملتلر تشکیلاتی نینگ نمایندهسی حضوریده امضا ایتیلیشی ممکن.
طالبان سابق رسمیلریدن باشقه بیری سیداکبر آغا نینگ ایتیشیچه، اوتگن کون قطرده صورت تاپگن ییغیندن قولگه کیلگن نتیجهگه کوره، ایکی تامان چیتایللیک کوچلرنینگ چیقیشی خصوصیده کیلیشگن.
افغانستان تینچلیک لایحهسی بوییچه آمریکا خاص نمایندهسی زلمی خلیلزاد، اوتگن کونی توییتر صحیفهسیده، تینچلیک سوزلشوولرنینگ 7- دوری دوام تاپیشی خصوصیده چین رسمیلری فکرینی آلیش اوچون اوشبو مملکتگه سفر قیلیشینی یازگن ایدی.
خلیلزاد نینگ کوپهیتیریشیچه، تینچلیک سوزلشوولری نینگ 7- دوری دوامیده چیتایللیک کوچلرنینگ افغانستان چیقیشی خصوصیده بحث ایتیلیشی ممکن.
قطرده طالبان سیاسی دفتری سوزلاوچیسی سهیل شاهین نینگ سلاموطندارگه ایتیشیچه، افغانستاندن چیتایللیک کوچلرنینگ چیقیشی خصوصیده کیلیشوو صورت تاپیشی ممکن.
اونینگ ایتیشیچه، تینچلیک سوزلشوولرنینگ 7- دوری قیتهدن باشلنهدی و بو ییغینده چیتایللیک کوچلرنینگ چیقیش کیلیشوونامهسینی امضا ایتیلیشی ممکن.
