بوگون (دوشنبه 4- قوس) مملکت سابق جمهوررئیسی حامد کرزی کابلده خبری بیر ییغین اوتکزیب ایتیشیچه، افغانستان وضعیتی کونسایین یمان بولماقده و جمهوررئیس غنی حاضرگی وضعیتده توجه قیلیشی کیرهک.
مذکور ییغینده مملکت سابق جمهوررئیسی سونگی 18 ییللیک یوتوقلر سقلهنیشی اوستیگه اورغولب کوپهیتیریشیچه، افغانستان یشاوچیلری مذکور یوتوقلر سقلنهدیگن تینچلیک ایستهیدی.
شونینگدیک جناب کرزی سیاسی سیمالر ترور ایتیلیشی گه اشاره قیلیب ایتیشیچه، تینچلیک پروسهسیدن حمایت قیلگن کیشیلر نیچه مرته تهدید بولگن و یا-ده اولرگه قرشی سوء قصد بولگن.
سابق جمهوررئیس بیاناتلری نینگ ایریم بولیمیده افغانستان امنیتی کوچلردن ملی منفعتلر خدمتی گه بولیب و باشقهلرنینگ سیاسی مقصدلری اوچون اهالی گه هجوم قیلمهسلیکلرینی سورهگن.
عین حالده، جناب کرزی جمهورلیک ریاست سیلاو نتیجهسی اعلام ایتیلمهگنینی بحران دیب و اونینگ حل ایتیلیشی نی سورهگن.
شو توغریده:
- فیسبوکی پست گه عکسالعمللر؛ صالح عذر سورهدی
- برقرالیک و یقینلیک اعتراضیگچه تیسکری سنهش؛ دولت قورووچی: بوزمهکارلیک یولده دیر
شونینگدیک اجرایی باشلیغی و جمهورلیک ریاست سیلاو نامزدلریدن بیری عبدالله عبدالله آمریکالیک سناتورلر بیلن اوتکزگن اوچرهشووده افغانستان کیلهجگی نی جاری ییل سیلاویده باغلیق دیگن.
اجرایی ریاستی تامانیدن ترقهتیلگن خبرنامه گه کیلیشیچه، جناب عبدالله مذکور اوچرهشووگه سیلاولر نتیجهسی قانون و افغانستان اهالیسی نینگ پاک آوازی اساسیده، سیلاولر ایرکین کمیسیونی تامانیدن اعلام ایتیلیشی خصوصیده امید بیلدیرگن.
