افغانستان بوییچه بیرلشگن ملتلر تشکیلاتی نینگ خاص نمایندهسی تدامیچی یاماموتونینگ ایتیشیچه، سونگی واقعهلرگه قرهگنده، افغانستانده جریانی بولگن اوروشلرگه نقطه قویش اوچون سیاسی بیرحل یول تاپیش جدی نیازلردن دیر.
جناب یاماموتو نینگ تاکید قیلیشیچه، اوتگن بیر ییل جریانیده تینچلیک خصوصیده بولگن سعی و حرکتلر بیرقطار فرصتلرنی یرهتگن و افغانستانلیکلر ارا سوزلشوولرنینگ باشلهنیشی کیرهک.
اونینگ کوپهیتیریشیچه، «تینچلیک خصوصیده بولگن ییغینلرنینگ هرتامانلمه بولیب و افغانستان بوتون یشاوچیلریدن نمایندهلیک قیلینیشی کیرهک، افغانستان دولتی و طالبان نمایندهلری آرهسیده بولگن سوزلشوولرنی تیزلیککه باشلهنیشی جدی نیازلردن دیر.»
افغانستان بوییچه بیرلشگن ملتلر تشکیلاتی نینگ خاص نمانیدهسی صحبتلری دوامیده ایتیشیچه، «افغانستان یشاوچیلری نینگ کوپ قطار ایستکلریگه دقت قیلینگن و اولر کیلهجکلر خصوصیده هم امیدوارلیک و خواطرلر خصوصیده صحبت قیلگن.»
جناب یاماموتو نینگ ایتیشیچه، افغانستان اهالیسی اوروشلر یکونلهنیشیدن امیدوار دیر، بیراق باشقه تاماندن تینچلیک شرطنامهسیده، 18 ییللیک یوتوقلر و حقوقلرینی نابود ایتیلیشیدن خواطر بیلدیرگنلر.
اونینگ کوپهیتیریشیچه، تینچلیک کیلیشوونامهده انسان حقلری و اساسی ایرکینلیکلرنی سقلهنیشی کیرهک.
افغانستان بوییچه بیرلشگن ملتلر تشکیلاتی نینگ خاص نمایندهسیگه کوره، مسکو و دوحه ده افغانستان و طالبان نمایندهلری آرهسیده صورت تاپگن رسمی بولمهگن سوزلشوولر تینچلیک سوزلشوولرده زمینه یرهتگن ایدی.
اونینگ تاکید قیلیشیچه، افغانستان یشاوچیلرینی جاری میلادی ییل 28 سپتامبرگه جمهورلیک ریاستی سیلاویده اشتراک قیلیشی کیرهک و بیرلشگن ملتلر تشکیلاتی سیلاو کمیسیونلری، امنیتی نهادلر، مدنی ترماقلر، جمهورلیک ریاستی نامزدلری و آواز بیرووچیلردن کامل صورتده حمایت قیلهدی.
بیراق، جناب یاماموتو احتمالی ساختهکارلیک، نظمسیزلیک، ناتینچلیک و اهالی نینگ قندی شکلده جمورلیک ریاستی سیلاویده اشتراک قیلیشی خصوصیده خواطر بیلدیرگن و سیلاو نهادلری و جمهورلیک ریاستی نامزدلریدن افغانستان یشاوچیلرینی سیلاولرده اشتراک قیلیش اوچون تشویق قیلیشلرینی سورهگن.
باشقه تاماندن افغانستان بوییچه بیرلشگن ملتلر تشکیلاتی نینگ خاص نمایندهسی ، تینچ اهالی تلفاتی خصوصیده صحبت قیلیب سونگی کونلرده تینچ اهالی تلفاتی کوپهیگنیدن خواطر بیلدیرگن.
یاماموتو سونگی کونلرده قندوز، بغلان، فراه و اینقسه کابل شهریده یوز بیرگن هجوملرنی خواطرلنترووچی عنوان قیلگن.
تینچلیک سوزلشوولر آمریکا جمهور باشلیغی دنالد ترامپ تامانیدن توختهتیلگن بیرحالده، افغانستان بوییچه بیرلشگن ملتلر تشکیلاتی نینگ خاص نمایندهسی تینچلیک سوزلشوولر خصوصیده صحبت قیلهدی.
شوتوغریده…
