افغانستان بوییچه بیرلشگن ملتلر تشکیلاتینینگ اورینباسرلیک هیأتی (یوناما) بوگون ترقتگن ینگی گزارشیده، طالبلر قماقخانهسیدهگی محبوسلرنینگ قیناققه آلینیشی توغریسیده ایتیشیچه، محبوسلر یمان وضعیت گه قرار تاپیب و شونینگدیک جبری ایشلرگه زورلنگنلر.
اوشبو نهاد اوتگن میلادی آینینگ آخریده امنیتی کوچلرنینگ خاص بیر عملیاتیده، ارزگان ولایتیدهگی طالبلرنینگ قماقخانهسیدن قوییب یوباریلگن 13 محبوس بیلن یوزمهیوز صحبت اوتکزگن و اوشبو سوزلشوولرنینگ کورستیشیچه، مذکور محبوسلر یمان وضعیت ده حیات کیچیریب و تینچ اهالی و امنیتی ایشلاوچیلرنینگ قیناققه آلینیشی و هلاک بولیشی توغریسیده سوزبیرگنلر. اوشبو محبوسلردن قطاری کمیده 11 کیشی طالبلر تامانیدن اولدیریلگن خصوصیده گزارش بیرگنلر.
اوشبو گزارش گه کیلیشیچه، مذکور 13 کیشی اوتگن آی ارزگان ولایتی خاصارزگان تومنی نینگ شیرا قیشلاقیدهگی «کلاتک» ناملی طالبلر گه تیگیشلی قماقخانهدن قوییب یوباریلگن 53 کیشیلیک گروه اعضالری ایکن.
قوییب یوباریلگن کیشیلر آرهسیده افغانستان امنیتی و مدافعه کوچلری نینگ 45 اعضاسی و 3 دولت ایشلاوچیسی شامل 8 تینچ اهالی شامل دیر.
یونامانینگ ایتیشیچه، محبوسلردن کوپینچهسی 2018- ییل و باشقه 3 تهسی 2016- ییلدن بویان طالبلرنینگ قماقخانهسیده ایکن.
افغانستان بوییچه بیرلشگن ملتلر تشکیلاتی نینگ باش کاتبی نینگ خاص نمایندهسی «تدامیچی یاماموتو» نینگ ایتیشیچه، «طالبلر قماقخانهسیدهگی محبوسلر قیناققه آلینیشی و امنیتی کوچلر و تینچ اهالی ناقانونی شکلده مذکور گروه اعضالری تامانیدن اولدیریلیشی حقیده جدی خواطرگه دیر.»
گزارش نینگ کوپهیتیریشیچه، قوییب یوباریلگن کیشیلرنینگ آیاقلریگه هردایم زنجیر باغلنگن ایکن و اولرنینگ قطاری نی آیاغی گه یرهلر کورینهدی. یالغیز بیر کیشیدن باشقه یوناما صحبت اوتکزگن کیشیلردن برچهسی کلتکلنگنلریدن گزارش بیرگنلر.
شو توغریده:
- یوناما: تینچ اهالی قربانلری 23% کمهیگن
یوناما افغانستان قماقخانهلریده قیناققه سالیش رقمی یوقاریلیگیدن خواطر بیلدیرگن
یوناما عیاللرگه قرشی زورهوانلیک آلدی آلینیش قانونیدن حمایت قیلهدی
اوشبو محبوسلردن بیرقطاری نینگ ایتیشیچه، طالبان گروهی کلتکلش جریانیده اولردن معلومات بیریش و یا-ده خاص اعمالگه اعتراف قیلیشلرینی سورهریکن، بیراق اوشبو محبوسلردن باشقه بیرقطاریگه کوره، «دولتدن حمایت قیلیش، امریکالیکلر بیلن ایشلش و طالبان گروهیگه قرشی فعالیت قیلیشلری باعث، جزالنتیریلهریکنلر.»
گزارش بیر بولیمیده اوشبو محبوسلرنینگ ایتیشیچه، ییر آستیده بولگن 5 اتاققه ایکنلر، بیربیراولری بیلن صحبت قیلیش اوچون اجازهسی یوق ایکن و بیر کون جریانیده 7 ساعت ایشلشگه مجبور ایکنلر.
یوناما گزارشیگه کوره، قیش موسومی جریانیده محبوسلر ساووق هوا ده حیات کیچیریب و هرکون ایکی مرته لوبیا و نان بیلن آوقات لنهریکنلر و یارهلرینی درمانلش اوچون ساغلیک خذمتلرگه قول تاپه آلمهریکنلر.
یوناما نینگ معلوماتیگه کوره، محبوسلر وضعیتی و اولرگه قرشی حرکتلر خلق ارا معیارلریگه قرشی دیر.
یوناما نینگ انسان حقلری بولیمی باشلیغی ریچارد بنت نینگ ایتیشیچه، «بیرلشگن ملتلر تشکیلاتی، طالبان گروهیدن قوراللی تارتیشوولرگه انسان حقلری قانونینی عملگه آشیریشینی سورهگن. اوشبو قانونگه کوره، اوروشلرگه مستقیم شکلده سهیم بولمهگن کیشیلر و یا-ده بو ایشدن قول تارتگن کیشیلر بیلن انسانی شکلده یول باریلیشی کیرهک.»
طالبان گروهی بو گزارشنی ناتوغری عنوان قیلیب ایتیشیچه، اوشبو گزارش بیرتامانلمه تیارلنگن و یوناما، دولت و آمریکا ادارهسیگه بولگن قماقخانهلر وضعیتیدن گزارش بیرمهگن.
