قطرده طالبان حرکتی بیلن حکومت اورتهسیده اوتکزیلگن یاشیرون مذاکرهنی جدی تنقید آستیگه آلگن ملی مجلس اعضالری بو مذاکره توغریسیده اهالی همده عالی تینچلیک کینگشیگه تفصیلات بیریلیشینی سوره گن.
بریتانیا گاردین کوندهلیگینینگ فاش قیلیشیچه، سونگی ایکی آی جریانیده افغان حکومتی نینگ بلند مرتبهلی رسمیلری قطرده قوراللی طالبلرنینگ نمایندهلری بیلن تینچلیک مسالهسی اوستیده بحث قیلگن لر.
بوگون (چهارشنبه) ملی مجلس نینگ عمومی ییغینیده گپیرگن پارلمان نینگ قطار اعضالری، طالبان حرکتی بیلن حکومت اورتهسیده اوتکزیله دیگن تینچلیک لایحهسینی حمایت قیلگن حالده، مذاکره قندهی اوتکزیلیشی حقیده آچیقلیک بیریلشی طلب قیلگنلر. نمایندهلر مجلسی نینگ اعضالریگه کوره، بوندهی بیر مذاکره افغانستان عالی تینچلیک کینگشی همده مملکت خلقی خبرسیز بیر حالده اوتکزیلماقده دیگنلر.
شونینگدیک نمایندهلر مجلسی نینگ اعضالری طالبان بیلن اوتکزیله دیگن هر قندهی مذاکره تینچلیک کینگشی ینه خلق جریانگه قوییلیشی بیلن عملی بولیشینی سورهگنلر.
نمایندهلر مجلسی عمومی ییغنینی باشقرگن پارلمان نینگ اورین باسری نعمت الله غفاری، نمایندهلر مجلسی نینگ اعضالری طالبان رهبرلری بیلن حکومت بلند مرتبهلی رسمیلری اورتهسیده اوتکزیلگن مذاکرهنی اخبارات واسطه آرقهلی خبر بولگنلر، مساله بوندهی بولمس لیگی لازم ایدی دیگن
.
جناب غفاری حکومتدن طالبان بیلن قیلینگن بو مذاکره حقیده نمایندهلر مجلسیگه معلومات بیریشینی سورهگن.
اما، بیر قنچه سیاسی تحلیلچیلری طالبان حرکتی بیلن افغانستان حکومتی اورتهسیده هیچ قندهی بیر مذاکره اوتکزیلمهگن دیگن.
سیاسی تحلیلچی وحید مژده، طالبلر رسمیلری بیلن حکومت وکیللری اورتهسیده مذاکره اوتکزیلگن لیگی توغریسیده گاردیننی یازگن موضوعنی رد قیلگن.
اونینگ ایتیشیچه، امریکه جمهور رییسلیک سیلاولری نینگ زمانی یقین، امریکه بوندهی بیر تنلاودن فایده لهنیب اهالیسیگه افغانستانده امنیت تامین بولگن لیگینی یوتوق دیب کورستهدی.
بو سیاسی تحلیلچی، افغانستان نینگ قطار ولایتلریده قوراللی طالبلر بیلن آغیر اوروش جریانی بولگن بیر پتده طالبلرنی تینچلیک مذاکرهسیگه قوشیلیشیگه چقیرگن دیگن.
عالی تینچلیک کینگشی نینگ سوزلاووچیسی امین الدین مظفریگه کوره، قطرده اوتکزیلگن تینچلیک مذاکرهسی توغریسیده هیچ قندهی معلوماتگه ایگه ایمسلر. طالبان تامانی هم اخبارات واسطهلریگه نامه یوللب بو خبرنی رد قیلگن.
