بوگون "دوشنبه" جمهورلیک ریاستی نامزدلر کینگشی، کابلده بیرخبری ییغین اوتکزیب ملی همکارلیک حکومت ایجاد ایتیلیشینی پیشنهاد قیلگن.
نامزدلر کینگشی ریجهسیگه کوره، تینچلیک سوزلشوولر و سیلاو لایحهسی ناکام دیر و اونینگ اصلی دلیلی هم کارا بیرحکومت نینگ یوقلیگی دیر.
مذکور ریجهده ایتیلیشیچه، مسوول بیر حکومت نینگ یوقلیگی باعث، تینچلیک لایحهسی رویا گه اوزگریلیب و سیلاو هم قیینچیلیک تامان کیتگن.
اوشبو ریجهگه کوره، ملی همکارلیک حکومتنی برابرلیک و بوتون قوملرنینگ اشتراکی اساسیده ایجاد ایتیلیشی ممکن.
جمهورلیک ریاستی نامزدلر کینگشی اعضالریدن بیری احمدولی مسعودنینگ ایتیشیچه، سونگی ایکی دهه ده اکثریتی دموکراسی ناکام ایکن و حاضرده کیلیشوو دموکراسینی اونگه جایگزین ایتیلیشی کیرهک.
اونینک تاکید قیلیشیچه، ملی همکارلیک حکومت ملی اجماع گه سبب بولیب و سیلاو قیینچیلیگینی حل قیلهدی.
جناب مسعودنینگ کوپهیتیریشیچه، سیلاو باطل دیر و سیلاو ایرکین کمیسیونی اعتبارینی قولدن بیرگن.
جمهورلیک ریاستی نامزدلر کینگشی نینگ اعضالریدن باشقه بیری شهاب حکیمی نینگ ایتیشیچه، ملی همکارلیک حکومتی ایجاد ایتیلیشی بیلن، جواب قیترهدیگن حکومت قوریلیب و اوز باشیمچهلیک نابود ایتیلهدی.
جناب حکیمی نینگ کوپهیتیریشیچه، ملی همکارلیک حکومتیگه افغانستان بوتون یشاوچیلری اشتراک قیلهدی.
جمهورلیک ریاستی سوزلاوچیسی صدیق صدیقی نینگ جمهورلیک ریاستی نامزدلر کینگشیگه قرشی توییتر صحیفهسیده یازیشیچه، ملی همکارلیک حکومت ایجاد ایتیلیش ریجهسی مملکت اساسی قانونیگه قرشی دیر.
جناب صدیقی: «سونگی کونلرده بیرقطار کینگشلر«ملی همکارلیک حکومت» ایجاد ایتیلیش طرحی بیان قیلگنلر و بو طرح مملکت اساسی قانونیگه قرشی دیر.»
جمهورلیک ریاستی سوزلاوچیسیگه کوره، جمهورلیک ریاستی نامزدلرینی افغانستان یشاوچیلری نینگ اراده و قرارلریگه حرکت قیلیشی کیرهک.
