افغانستان بوییچه روسیه خاص نمایندهسی ضمیر کابلوف، آمریکا استخباراتی تشکیلات اعضالریدن قطاری نی افغانستان ده مخدره ماده نی قاچاق ایتیشی گه عیبلهدی.
روسیه نینگ «تاس» خبرگزارلیگی جناب کابلوفدن نقل قیلیب گزارش بیریشیچه، آمریکا حربیلرینی اولدیریش اوچون روسیه نی طالبان دن حمایت قیلیش گه عیبلهگن آمریکا استخباراتی سازمان اعضالری نینگ اوزی افغانستان ده مخدره ماده نی قاچاق ایتیش گه قوللری بار.
مذکور خبرگزارلیککه کوره، کابلوف اوشبو بیاناتلرنی مذکور مملکت دولتی رسانهلریدن بیری بیلن اوتکزگن صحبت ده بیان قیلگن.
تاس نینگ گزارشی اساسیده کابلوف نینگ ایتیشیچه: «آمریکا نینگ استخباراتی تشکیلات اعضالری بیزلرنینگ تورلی ایشلر خصوصیده عیبلهیدی، بیراق اولرنینگ افغانستان ده مخدره ماده نی قاچاق ایتیلیشی گه قوللری بار. اولرنینگ اوچاقلری قندهار و بگرام دن اوچیب و تیکشیریلمهسدن، آلمان و رومان و باشقه ایستهگن ییرلریده بارهدی.»
جناب کابلوف نینگ کوپهیتیریشیچه، کابل نینگ برچه یشاوچیلری بو توغریده معلوماتلری بار و اولر بو خصوصده سوزلهش گه تیار دیر.
افغانستان حکومتی و آمریکا حاضرگچه بو حقده فکر بیلدیرمهگن.
عین حالده، بوندن آلدین نیویارک تایمز کوندهلیگی نینگ گزارش بیریشیچه، آمریکا اطلاعاتی رسمیلری نینگ تدقیقاتی نی کورستیشیچه، تینچلیک سوزلشوولری جریانیده افغانستان ده ناتو کوچلری جملهدن آمریکا عسکرلرینی هلاک ایتیش اوچون روسیه تامانیدن طالبان گروهی گه یاشیرین شکلده پول بیریلگن.
بیراق روسیه و طالبان بو گزارش نی رد قیلگن.
2019- ییل جریانیده روسیه آمریکا حربیلری نینگ اولدیریش اوچون طالبان گروهی گه پول بیرگن باعث، افغانستان ده 20 آمریکالیک عسکر هلاک ایتیلگنی ادعا قیلگن.
