سیلاولر ایرکین کمیسیونی رسمیلرینینگ ایتیشیچه، نماینده لرکینگشی و ولایتی کینگش سیلاولریده تیکنالوژیدن قولهنیش عملی بولمهیدی؛ بیراق اوشبو نهادگه کوره، جمهورلیک ریاستی سیلاویده تیکنالوژیدن قولهنیلهدی.
مذکور کمیسیون رسمیلریگه کوره، تیکنالوژیدن قولهنیش سیلاولر تنیقلیگی نی تضمین قیلهدی؛ بیراق نمایندهلرکینگشی و تومنلر کینگشیده تیکنالوژیدن قولهنیش شرایطی فراهم ایمس.
سیلاولر ایرکین کمیسیونی تامانیدن 9 میلیون کیشینینگ سیلاولرگه اشتراک قیلیش اوچون آتلرینی رویخطکه یازدیرگنی اعلان ایتیلگنی دن سونگ، مملکت سیاسی حزبلری اوشبو ارقامگه مشکوک بولیب و قولابکارلیکلر گه توسیق ایتیلیش اوچون آواز بیرووچیلرنی بایومتریک ایتیلینیشی نی پشنهاد قیلگنلر.
سیاسی حزبلرنینگ اوشبو ایستهکلری بیرینچی دن جمهورلیک ریاستینینگ قرشیلیگی بیلن دوچ کیلدی؛ بیراق بوگون "چهارشنبه" سیلاولر ایرکین کمیسیونی اوشبو ایستهکنی ایترلیچه زمان بولمهگنی سبب نماینده لرکینگشی و تومنلر کینگشی سیلاولریده عملی بولمهیشی نی بیلدیرگن.
سیلاولر ایرکین کمیسیونینینگ اعلامیه سیگه کوره، مذکور نهاد سیلاولر لایحه سیگه تیکنالوژیدن قولهنیلیشنی ایستهیدی؛ بیراق ایترلیچه زمان بولمهگنی باعث اوشبو ایستهک عملی ایمس. سیلاولر ایرکین کمیسیونی گه کوره، جمهورلیک ریاستی سیلاولریده تیکنالوژیدن قولهنیلهدی.
افغانستاندهگی موجود حزبلر حکومت و سیلاولر ایرکین کمیسیونیدن اولرنینگ اوچ اساسی ایستهگی گه ایجابی جواب بیریشلرینی سورهگن و بو ایستکلر سیلاولر سیستمهسینی انتقال ایتیلمس واحد آواز دن انتقال ایتیلیش آوازگه اوزگرتیریش، سیلاولر جریانیدن نظارت بولیشی توغریسیده حزبلرگه قولیلیکلر یرهتیلیشی و سیلاولر جریانیده زمانهوی اسکونهلردن فایدهلنیش دیر.
عین حالده، سیلاولر ایرکین کمیسیونی باشلیغی گلاجان عبدالبدیع صیادنینگ استدلالی گه کوره، سیلاو سیستمهسی اوزگریش ایستهگی سیلاولر قانونی گه قرشی دیر و بو ایش مذکور اداره نینگ صلاحیتی دن ایمس دیر. لیکن سیلاولر جریانیدن نظارت قیلیش اوچون سیلاو قانونی اساسیده، حزبلر و مدنی ادارهلرگه زمینه یرهتیلهدی.
سیلاولر ایرکین کمیسیونی اعلامیه سیگه کوره، نماینده لرکینگشی و تومنلر کینگشی سیلاولریده تیکنالوژیدن قولهنیش ممکن ایمس، بیراق جناب صیادنینگ ایتیشیچه، اوشبو موضوع خصوصیده مذاکره یولی بار دیر.
سیلاولر ایرکین کمیسیونینینگ ایتیشیچه، نماینده لرکینگشی سیلاوی 28 میزان گه یولگه قویلهدی کینگه تشلش امکانی یوق؛ بیراق سیلاولر تینیق شکلده بولیب اوتیشی اوچون جمعیتنی رویخطکه آلیش اداره بیلن قوشنی ایش کمیسیونی تشکیل تاپیشی ممکن.
سیلاولر ایرکین کمیسیونی گه کوره، آواز بیرووچیلرنی رویخطکه آلیش اوچون 800 کیشی استخدام ایتیلگن و باشقه 200 کیشینینگ استخدام ایتیلیشی ممکن.
