واشنگتنده اتلانتیک کینگشیده سوزگه چیققن افغانستان تشقی ایشلر وزیری صلاحالدین ربانینینگ ایتیشیچه، پاکستان عصیانچیلرنی حمایه قیلیشدن قول تارتمهیدی.
افغانستاننینگ تشقی سیاستلری و امیریکهنینگ ینگی ادارهسیگه تیگیشلی پیاملری خصوصیده جناب ربانینینگ ایتیشیچه، افغانستان و منطقهده ناتینچلیکلر دوامیگه پاکستان سبب بولهدی، چونکه بو مملکت، عصیانچیلردن حمایه قیلهدی.
سوزلری جریانیده پاکستاننینگ سیاستلریدن جدی تنقیدقیلگن مملکت تشقی ایشلر وزیرینینگ ایتیشیچه، بو مملکت، افغانستاننی هوایی حریمینی نقض قیلگن و شرقی منطقهلرنی راکت آرقهلی نشانگه آلگن و بو ایش ایکی تاماننینگ عادی علاقهسیگه هم زیان ییتکیزهدی.
جناب ربانینینگ ایشانچیگه کوره، قوشمه سعی و حرکتلرگه قوشیمچه، افغانستان و منطقهده عصیانچیلرنینگ اساسی مغلوبیتی، مذکور گروهدن حمایه قیلهدیگن مملکتلرده، اولرنینگ اویهلرینی نابود قیلیش دیر. اونینگ ایتیشیچه، مذکور مملکتلر، عصیانچیلرنی حمایه قیلیشلریدن قول تارتیشلری کیرهک.
اتلانتیک کینگشیده مملکت تشقی ایشلر وزیرینینگ ایتیشیچه، افغانستان، منطقه قرهمه قرشیلیگینی کمهیتیریش اوچون توانی باریچه سعی و حرکت قیلگن، بیراق قطار مملکتلر، بو ایش نتیجهسیز قالیشی خصوصیده، سعی و حرکت قیلگنلر.
اونینگ کوپهیتریشیچه، افغانستان، پاکستاندن باشقه مملکتلر بیلن بولگن علاقهسیدن خرسند دیر.
سوزلرینی باشقه بولیمیده جناب ربانینینگ ایتیشیچه، افغانستان اوروشگه نقطه قوییب و تینچلیککه قول تاپیش اوچون دنیا و منطقه همکارلیگی بیلن مذاکرهلرگه فعال قتنشهدی.
افغانستان تشقی ایشلر وزیری صلاحالدین ربانینینگ ایتیشیچه، کابل، قندهار و هلمند ده یوز بیرگن سونگی هجوملرگه قرهگنده، طالبلر تینچلیک تأمینلنیشینی ایستمهیدی. بیراق کوپهیتیریشیچه، اوشبو گروه تینچلیکنی قبول قیلگن صورتده، مذاکره ایشیگی دایما آچیق دیر.
مملکت تشقی ایشلر وزیری، افغانستانگه کوپراق کوچ یوباریلیشی توغریسیده امیریکهنینگ قرارینی خوش قرشیلهگن.
