بوگون (چهارشنبه) نمایندهلر مجلسی نینگ عمومی ییغینیده گپیرگن مجلس نینگ بیر قنچه اعضاسی 1396مالی ییل نینگ بودجهسی تینگ ایمسلیگینی بیلدیرگنلر. بودجه ده خلق نینگ اساسی احتیاجی انباتگه آلینمهگن دیگن مجلس اعضالری. عین حالده، وکیللر بودجهنینگ تقدیری تیزلیکده معلوم بولیشی اوستیده تاکید قیلگنلر.
مجلس نینگ اعضاسی صالح محمد صالح، بودجه ترقهتیلیشی اوچون ولایتلر مسالهسی نظرده توتیلمهگن لیگینی باعث بو لایحه تیزلیکده رد ایتیلیشی کیرهک دیگن. 1395-ییل بودجهسی نینگ لایحهسیده بنیادی پروژهلر نظرده توتیلمهگن دیدی مجلس اعضاسی محمدصالح. موضوع توغریسیده خواطر بیلدیرگن وکیللرنینگ بعضلری، 1396- ییل مالی بودجهسینینگ طرحی پارلمان تامانیدن رد ایتیلیشی مُقننه قوهسی بیلن حکومت اورتهسیدهگی ترهنگلیکنی کوچیتیره دی دیگنلر.
اما، ملی مجلس نینگ باشلیغی عبدالرووف ابراهیمی، بودجه اوستیده بحث قیلیش کابینه وزیرلری صلاحیتدن آلینگن لیگی بیلن هیچ قندهی علاقهسی یوق دیگن. مجلسنینگ باشلغی، وکیللردن 1396- ییل مالی بودجهسی توغریسیده قونت بولیشلرینی سورهگن.
ابراهیمی بودجه نینگ تقدیری پارلمان کمیسیونلری طرفیدن معلوم ایتیلیشی حقیده علیحده تاکید قیلگن.
مملکت اساسی قانونیگه موافق نمایندهلر مجلسی ملی بودجه اوستیده بیر آی بحث آلیب باریب اونی رد قیلیش و تصدیق ایتیشی قید ایتیلگن.
بوندن آلدین هم پارلمان نینگ اعضالری مالی بودجه ولایتلر اوچون تینگ بولمهگن لیگی و مملکت بیرینچی مسالهسی انباتگه آلینمهگن لیگی توغریسیده خواطر بیلدیرگن ایدیلر. بونینگ نتیجهسیده حکومت مالی بودجهسی مجلس تامانیدن رد ایتیلگن ایدی.
