افغانستان بوییچه ملی مصالحه عالی کینگشی نینگ باشلیغی عبدالله عبدالله، مملکت جمهور رئیسی محمداشرف غنی بیلن سیاسی کیلیشوونامهنی امضالگنیدن سونگ ایتیشیچه، «سیاسی کیلیشوونامه سیلاو بحرانی گه نقطه قوییلیشی اوچون امضالندی.»
جناب عبدالله تامانیدن نشر قیلینگن پیام ده ایتیلیشیچه، بو کیلیشوونامه افغانستان نی تینچلیککه یقینلنتیریلیشی خصوصیده امید قیلهدی. اونینگ ایتیشیچه، آلدینگی تجربهلریدن فایدهلنیب سیاسی کیلیشوونامه توغری شکلده عمل گه آشیریلیشی توغریسیده سعی و حرکت قیلهدی.
اوشبو پیام نی باشقه بیر قسمتی ده جناب عبدالله نینگ ایتیشیچه، شرایط نی سیزیب اینیقسه دنیا جماعهچیلیگی نینگ یاردملری کمهیگنی، اوروش و ناتینچلیک شدتلنگنی، اهالی نینگ قربانلری کوپهیگنی و چیتایللیک کوچلر مملکت دن چیققنی و برچه نینگ خیری اوچون بو کیلیشووگه تن بیرگن.
عبدالله عبدالله اوشبو کیلیشوونامه امضالنیشی توغریسیده سیلاو تیمی نینگ اعضالری آرهسیده جدی قرهمه-قرشیلیکلر بولگنی توغریسیده هیچ نرسه دیمه ایتیشیچه، «بیرلشیکلریمیزدن بیرقطاری، اوشبو سیاسی کیلیشوونامه گه فرقلی قرهشگن. توشونچهلرینی سیزیب و حرمت قیلهمیز، بیراق برچهمیز بیلهمیز کیم، بوگون افغانستان اهالیسی موجود قیینچیلیکلرگه غلبه قازانیشی اوچون بیرلیککه احتیاج دیر.»
عین حالده، افغانستان اسلامی جمعیت حزبی بیر اعلامیه نشر قیلیب ایتیشیچه، بو حزب جناب عبدالله بیلن غنی نینگ آرهسیده امضالنگن سیاسی کیلیشووگه شریک بولمهگن.
اوشبو اعلامیه نی آخریده کیلیشیچه، افغانستان اسلامی جمعیت جزبی نینگ مرکزی توزوم تیزیمینی اوزگرتیریش و خلق نینگ حقیقی آوازی اساسیده، حکومت تشکیل ایتیشی خصوصیده ارادهسی کوچلی بولیب و ایلگریدن کوره کوچلی سعی و حرکت قیلهدی.
