.jpg)
سهشنبه کون سنامجلسینینگ عمومی ییغینیده، سناتورلردن بیرقطاری، انسان حق و حقوقلری کمیسیونینینگ باشلیغی سیما سمرنی ایریم قضیهلر خصوصیده سیاسی و ایکی تامانلمه یاندهشیشگه عیبلب وظیفهسیدن چیکلنتیریلیشینی سورهگنلر.
اوشبو سناتورلرنینگ ایتیشیچه، کوپینچه واقعهلرده تینچ اهالی هلاک ایتیلهدی و بو کمیسیون هیچ قندهی عکسالعمل بیلدیرمهیدی، بیراق اسلامی حزب بیلن دولت آرهسیده قول قوییلگن کیلیشوو اساسیده، اسلامی حزب محبوسلری قوییب یوباریلیشینی تضمین قیلیب و اونگه عکسالعمل بیلدیریب اولرنینگ قوییب یوباریلیشیگه توسیق بولهدی.
سنامجلسی اعضاسی نظرمحمد فقیرینینگ ایتیشیچه، 16 ییلدن بویان خانم سمر، انسان حق و حقوقلری کمیسیونینینگ باشلیغی بولیب کیلگن و فعالیتلریده طرفسیزلیکنی نظرگه آلمهیدی.
عین حالده، سنامجلسی اعضالریدن باشقه بیرقطارینینگ ایتیشیچه، انسان حق و حقوقلری کمیسیونی، قضیهلرگه ایکی تامانلمه یاندهشمهسی لازم.
.jpg)
سنامجلسی اعضاسی داکتر زلمی زلمینینگ ایتیشیچه، سیما سمر، یا-ده هر بیر کیشی اسلامی حزب محبوسلری قوییب یوباریلیشیگه توسیق بولسه ایشلرینینگ سلبی پیاملریدن هم خبردار بولیشلری کیرهک.
عین حالده، انسان حق و حقوقلری ایرکین کمیسیونینینگ سوزلاوچیسی بلال صدیقی، قضیهلر توغریسیده، مذکور کمیسیون ایکی تامانلمه یاندهشهدی دیگن سنامجلسی اعضالرینینگ ادعالرینی رد قیلیب ایتیشیچه، انسان حق و حقوقلری ایرکین کمیسیونی، انسانی جنایتلرنی عامللری کیچیریلمهسی اوستیگه تأکیدلهیدی.
جناب صدیقیگه کوره، خانم سمر قانونلر اساسیده فعالیت قیلهدی و هیچ بیر قضیهگه ایکی تامانلمه یاندهشمهگن.
شونینگدیک، اجتماعی ترماق ایشلاوچیلریدن بیرقطاری، تینچ اهالی هلاک ایتیلگن قضیهلر خصوصیده، انسان حق و حقوقلری ایرکین کمیسیونی باشلیغینینگ دقتسیزلیککه عیبلب ایتیشیچه، بلخ ولایتیده 209 شاهین قول اردو ده یوز بیرگن واقعه نتیجهسیده 135 دن آرتیق حربی و تینچ اهالی هلاک ایتیلدی و بو کمیسیون هیچ قندهی عکسالعمل بیلدیرمهگن.
