چهارشنبه کونی بروکسلده جایلشگن ناتو بناسیده مذکور تشکیلات باش کاتبی ینس استولتنبرگ 11- سپتامبر قربانیلریدن ایسلش مراسمیده ایتیشیچه، ناتو تینچلیک که شرایط یرهتیش اوچون افغانستانده دیر، بیراق تینچلیک یولی اوزون و قیین دیر.
جناب ستولتنبرگ نینگ اورغولشیچه، ناتو و بیرلشیکلری افغانستان گه صادق قالهدی و مذکور تشکیلات ترورچیلیک که قرشی افغانستان حربیلری نینگ کوچلنتیریش اوچون اولرگه تعلیمات و مصلحت بیریش گه دوام بیرهدی.
شونینگدیک ناتو بوندن آلدین هردایم افغانستان حربیلریگه تعلیمات و مصلحت بیریشی اوستیگه اورغولهگن.
عین حالده، آمریکا جمهور رئیسی دانلد ترامپ نینگ ایتیشیچه «بیزلر طالبلرنینگ باشقه هر زمان گه قرگنده قتیق ضربه اورگنمیز.»
جناب دانلد ترامپ، القاعده گروهی نینگ آمریکا سوداگرلیک برجلری اوستیدگی هجومی نینگ 18- ییللیگی مناسبتی گه نطق سوزلب ایتیشیچه، ترورچیلر هر قندهی دلیللر باعث آمریکا گه کیلگن حالده، اولر هر ییرگه بارگن صورتده هم تعقیب قیلینهدی.
اونینگ کوپهیتیریشیچه: «آمریکا بوندن آلدین هیچ بیر زمان قوللنیلمهگن کوچیدن فایدهلنهدی، مین اتم بمیدن استعمال قیلیش توغریسیده صحبتلشمهیمن. اولرنینگ (ترورچیلر) کوتیب توریشی ممکن، هیچ بیرزمان اونینگ کورمهگنلر. ییر یوزیده هیچ بیر دشمن آمریکا حربی کوچلری نینگ کوچی، مهارت و قابلیتی گه تینگ کیله آلمهیدی.»
شو توغریده:
- ناتو: بیزلر افغانستاننی ترک قیلیش ایمس، تینچلیک شرطنامهسی اوستیگه ایشلهیمیز!
ناتو: افغانستان عملیاتی لحاظ دن بیرینچی اورینگه قرار تاپگن
ناتو تشکیلاتی 2020- ییلدن کیین هم افغان امنیتی کوچلریدن حمایت قیلهدی
آمریکا جمهور رئیسی بوندهی بیاناتلرنی ارایه قیلگن حالده، (17-) سنبله یکشنه کونی کابل شهریده گرین ولیج کمپی اوستیدهگی طالبان هجومیده، آمریکا کوچلریدن بیری هلاک ایتیلگنیدن کیین جناب ترمپ، طالبلر بیلن سوزلشوولرنی توختهتیب و اونینگ ناتوغری اعلام قیلدی.
باشقه بیر تاماندن روسیه، چین و آلمان آمریکا و طالبان گروهی آرسیدهگی سوزلشوولرنینگ قیتهدن باشلنیشی نی سورهگنلر. بیرلشگن ملتلر تشکیلاتیده مذکور مملکتلر دایمی نمایندهلری، سیاسی ییچیم یول نی افغانستان اوروشی یکونلنیشی اوچون یالغیز یول دیگنلر.
بولردن بیرلشگن ملتلر تشکیلاتیده روسیه دایمی نمایندهسی نینگ کوتیشیچه، آمریکا و طالبان گروهی آرهسیدگی سوزلشوولر توختلگنی، اوزون زمانلی توختهلیش گه روپهرو بولمهسین.
عین حالده، افغانستان بوییچه بیرلشگن ملتلر تشکیلاتی نینگ خاص نمایندهسی تدامیچی یاماموتو نینگ ایتیشیچه، افغانستان و طالبان گروهی آرهسیده تیزلیکده سوزلشوو باشلنیشی کیرهک.
