افغانستان جمعیت اسلامی حزبی نینگ وقتینچهلیک اعضاسی اعلان بولدی. ترقهتیلگن رویخطده مذکور حزب نینگ رهبرلیک هیاتی 9 کیشیدن 64 کیشیگه کوپهیتیریلگن.
بوگون خبری بیر انجمنده گپیرگن مذکور حزب نینگ رهبری صلاحالدین ربانی، مملکت حاضرگی شرایط وضعیتینی نظرده توتگن حالده، اوشبو حزب اعضاسینی تنلش اوچون کنگره اوتکزیش زمانی ایمس دیگن.
جناب ربانی، بیرینچی تدبیرده حزب نینگ مرکزی همده محلی ادارهلرینی فعال قیلیش نیتده کینگش نینگ رهبرلیک اعضاسی کوپهیتیریشگه توغری کیلدی دیگن.
جمعیت اسلامی حزبی نینگ وقتینچهلیک رییسی، اوشبو حزب نینگ کانگرهسی اوتکزیلگونگه قدر، بو حزب ایریم موضوعلر جملهدن جمهور رییسلیک همده پارلمانی سیلاولر اوتکزیلیشی و باشقه مهم موضوعلر بارهسیده معیین برنامهنی نظرده توتهدی.
اونینگ سوزلریگه کوره، جمعت حزبی دولت بیلن جدی همکارلیگی بولیشیگه قرهمهی، باشقه سیاسی حزبلر و جریانلر بیلن هم بیواسطه علاقهده بولیب فعالیت قیلهدی. بو علاقهلر ایسه ملی منعفتلرنی نظرده توتگن حالده، محترم حسابنلهدی.
دکترنجیبالله حکومتی قولهتیلیشیدن سونگ مجاهدلر کابلگه کیلیشی بیلن جمعیت حزبی یانیده حزب اسلامی، حزب حرکت اسلامی و باشقه سیاسی جریانلرنینگ هم پایتختدهگی اوروشده قولی بولگنلیگی همه گه معلوم.
