محمداشرف غنی کیلهسی سیلاو اوچون آتی نی قید ایتدی. جناب غنی رویخطگه آلینگنیدن کیین بیر ییغنیده ایتیشیچه، امانالله خاننینگ یکونلنمهگن فصلی نی یکونلنتریش اوچون 4 کیشیلیک بیر تیم بیلن کیلگن.
امرالله صالح و سرور دانش جناب غنینینگ بیرینچی و ایکینچی اورینباسرلری بولیب و بولرنینگ آرهسیده محمدیوسف غضنفر هم موجود دیر.
جناب غنی اوشبو تیمدن دولت قوروچی تیم صفتیده اِیسلب ایتیشیچه، یالغیز تعهدلی بیر دولت افغانستان یشاوچیلرینینگ ایشانچی نی قولگه کیلتیره آلهدی.
محمداشرف غنینینگ ایتیشیچه، اونینگ حکومتی اهالی گه جواب بیرووچی بولیشی ممکن. شونینگدیک کوپهیتیریشیچه، اونینگ تیمی تینچیلیک کیلتیریشی ممکن، بیراق بو یولده خوفسیزلیک کوچلرینینگ اوستیگه معامله قیلمهیدی.
غنی جنابلرینینگ کوپهیتیریشیچه، افغانستاننینگ بویوک قومی قشاقلیک دیر و اونینگ شعاری آچلیک نی یکولنتریش دیر.
او صحبتلرینینگ آخریده اهالیدن، فاجعهدن اوتیش اوچون جمهورلیک ریاستی سیلاویده اشتراک قیلیشلرینی سورهدی.
شونینگدیک اوشبو ییغینده جمهور رئیس بیرینچی اورینباسری امرالله صالحنینگ ایتیشیچه، دولت قوریش، تنیقلی و جواب بیروچی بیر دولت ایجاد ایتیش اوچون محمداشرف غنینینگ تیمی گه قوشیلگن.
اونینگ ایتیشیچه، اهالی نینگ کوچه و سمتی عدالتدن قوتقهریب و نظمدن قاچیش نی یکولنتریش اوچون مذکور تیمگه قوشیلگن.
جناب صالحنینگ بو تیم گه قوشیلیشیدن باشقه هدفی، توغری بیر اداره قوریش و قطار رسمیلرنینگ فرعون صفتلی ایشلری نی یکونلنتریش دیب ایتگن.
شونینگدیک، جناب غنینینگ ایکینچی اورینباسری سرور دانشنینگ ایتیشیچه، افغانستان فاجعه دههسیدن اوتیش بیر چاغده دیر و اولرنینگ تیمی اوشبو فاجعه نی اوتکزیش اوچون میدان گه چیققن.
اونینگ کوپهیتیریشیچه، 4 ییل آلدین فاجعهلی بیر افغانستان نی تسلیم آلگنلر، بیراق بو مدت گه یوتوقلرگه ایریشگنلر. جناب دانشنینگ ایتیشیچه، هیچ بیر حکومت اولرنینگ حکومتی دیک قیینچیلیکلر و عین حالده یوتوققه ایگه بولمهگن.
سرور دانش گه کوره، تینچ بیر افغانستان قوریش اوچون قیینچیلیکلر موجود دیر، بیراق اولرنینگ تیمی مذکور قیینچیلیکلرنی حل ایتیشی ممکن.
شونینگدیک گزارش لرگه کوره، جناب غنینینگ خاص نمایندهسی بولهدیگن محمد یوسف غضنفر مذکور ییغینده جناب غنیدن طرافدارلیگی نی بیلدیردی.
شوندی بیر حالده، بوگون توشدن آلدین عبدالله عبدالله کیلهسی سیلاو اوچون آتی نی قید ایتیب و رقابت میدانی گه داخل بولدی.
