بوگون «سهشنبه» کابلده خبری بیر ییغینده نطق سوزلهگن اسلامی حزب رهبری گلبدین حکمتیارنینگ ایتیشیچه، دولت رسمیلریدن بیرقطاری، دولت امکانیتیدن فایدهلنیب مشخص کیشیلرنی نمایندهلر کینگشیگه یوباریش اوچون سعی و حرکت قیلهدیلر و بو موضوع حکومت ساختهکارلیک ارادهسی بیلن سیلاوگه کیریشینی کورستهدی.
اسلامی حزب رهبری گه کوره، حکومت و سیلاولر کمیسیونیدن قوشمه بیر تیم ایجاد ایتیلگن و کیملیکلرنی اوزلری ایشانگن ییرلرده استیکر اورهدیلر.
جناب حکمتیارنینگ آگاهلنتیریشیچه، ساختهکارلیک بیلن اوتکزیلگن سیلاو نتیجهسینی هیچ قچان قبول قیلمهیدی و حکومت سیلاولر تنیق و عدالتلی شکلده یولگه قوییلیشی خصوصیده، سیاسی حزبلر تامانیدن تکلیف ایتیلگن ریجهنی قبول قیلیب و سیلاولر کمیسیونی اونی عملگه آشیریشی کیرهک.
اسلامی حزب رهبری گه کوره، حکومت تومنلر کینگشی سیلاوی یولگه قوییلیشی توغریسیده پول یوقلیگینی ایتهدی و عین حالده، حکومت رسمیلریدن بیرقطاری، شونچه پولنی بیر آی جریانیده صرفلهیدی.
اوشبو موضوع توغریسیده جمهورلیک ریاستی و سیلاولر کمیسیونی مسؤوللرینینگ فکرلرینی اورگهنیش اوچون علاقه قوردیک، بیراق تکراری قونغیراقلر بیلن مؤفق بولمهدیک.
نمایندهلر کینگشی و تومنلر کینگشی سیلاولری یولگه قوییلیشی توغریسیده کینگ ساختهکارلیکلر یوز بیریشیدن بیرینچی مرته سوز یوریتیلمهیدی. بوندن آلدین هم ساخته کیملیکلر و آواز بیرووچیلرنینگ رویخطگه آلیش جریانیدن نیچه مرته تنقید قیلینگن ایدی.
