نماینده لر مجلسی نینگ بوگونکه ییغینیده مجلس بیرینچی اورین باسری ظاهر قدیر، اونگه ییتگن گزارشلرگه قره گنده، داعش نینگ اعضالری بعضی بیر تومنلرده ییرلشتیریلگن 200 عایله باشقه 800 عایله نینگ ذهنینی اوزگرتیریش اوچون وظیفه دار ایتیلگن لیکلرینی ایتگن.
جناب قدیر، ننگرهارده گی اویی داعش گروهی تامانیدن نشانگه آلگنلیگینی ادعا قیلگن. داعش گروهی نی نابود ایتیش خصوصیده حکومتنی اعتبارسیزلیککه عیبلهگن قدیر، افغانستان داعش گروهی نینگ مرکزیگه اوزگریشی ممکن دیدی.
عین حالده، کابل پولیس قوماندانلیگی نینگ ایچکی ایشلر وزیرلیگی گه یوبارگن رسمی نامه سیده، جناب قدیرنی ترور قیلیش اوچون 15 عیصانچی وظیفه لنتیریلگن حقیده معلومات بیریلگن لیگینی ایتگن مجلس نینگ بیرینچی اورین باسری جناب قدیر.
نماینده لر کینگشی بیرینچی اورین باسریگه کوره، قولگه کیریتگن نامه ده، اوشبو گروهنی سباوون ناملی بیر کیشی رهبرلیک قیلهدی.
شونینگدیک، نماینده لر کینگشی اعضالریدن باشقه بیرقطاری، مملکتده داعش گروهی فعالیتی کینگیگنی خصوصیده خواطر بیلدیریب ایتیشلریچه، اوشبو گروه بیرقطار ولایتلرده تعلیمات مرکزی آچگن.
نماینده لر کینگشی اعضاسی عبیدالله بارکزی نینگ ایتیشیچه، داعش ارزگانده اوچ تعلیمات مرکز آچگن و شونینگدیک زابلده قیتهدن فعالیت گه باشلهگن. اونگه کوره، داعش گروهی، مذکور منطقهلرده آغیر و یینگیل قوراللرنی جایلشتیرگن.
عین حالده، نمایندهلر کینگشی بیرینچی اورین باسری، اوشبو موضوعنی تیکشیریش اوچون نمایندهلر مجلسی ایکینچی اورین باسری نعمت الله غفاری نینگ رهبرلیگی ده 10 کیشیلیک بیر هیأت تعیین قیلیب و نتیجهنی نمایندهلر کینگشی عمومی ییغینیگه معلوم قیلیشنی ایتگن.
