.jpg)
افغانستان باشکینتی کابلده جایلشگن بگرام حربی قرارگاهی پنجشنبه دن جمعه گه اوتر کیچه آمریکا جمهور رئیسی دونالد ترامپ نینگ میزبانی ایدی. جناب ترامپ نینگ اوچاغی 13 ساعت دن سونگ، کمیده ایکی ساعت اوچون بگرام حربی قرارگاهیده توشدی.
بو سفر کوتیلمهگن حالده بولگن و جناب ترامپ، افغانستانده جایلشگن آمریکالیک عسکرلردن قدردانلیک و منتدارلیک بیلدیریش اوچون کیلگن، بیراق افغانستان جمهور رئیسی بیلن 15 دقیقهلیک اوچرهشووده طالبان گروهی بیلن آتیشکیسین قیلیش و تینچلیک سوزلشوولری توغریسیده بحث قیلگن.
دونالد ترامپ، آمریکالیک عسکرلرنی آرهسیده نطق سوزلهگنده، افغانستانده آمریکا عسکرلرینی کمهیتیریشی اوستیگه تأکیدلب و ایتیشیچه، آتیشکیسین تینچلیک کیلیشووی نینگ بیر بولیمی دیر.
سلاموطندارگه صحبت بیرگن بیر منبع نینگ ایتیشیچه، افغانستان جمهور رئیسی محمداشرف غنی، ترامپ نینگ اوچاغی افغانستان توپراغیده توشیشیدن نیچه دقیقه آلدین بو سفردن خبر بولگن.
دونالد ترامپ نینگ اوچاغینی خوفسیزلیگی آمریکا کوچلری تامانیدن تأمینلنگن و ایتیلیشیچه، سفر جریانیده آمریکا جمهور رئیسی نینگ همراهلریدن بیرقطاری نینگ تلیفونلری آلینگن ایکن.
بو سفرده جناب ترامپ گه استفانی گریشام، میک مولوانی، آمریکا ملی خوفسیزلیک مصلحتچیسی روبرت اوبرین و سناتور جان باراسوا همراهلیک قیلیشگن.
شونینگدیک، آق سرای باشلیغلرینی همراهلیک قیلیشگن خبرچیلرنینگ ایتیشیچه، اوچاققه کیرگن چاغلریده، ترامپ نینگ مقصدیدن خبر بولیشگن.
آق سرای مطبوعاتی کاتبی استفانی گریشام نینگ خبرچیلرگه ایتیشیچه، بو سفردن مقصد آمریکالیک عسکرلردن حمایت قیلیش و قدردانلیک بیلدیریش بولیشی ممکن و تینچلیک سوزلشوولری بیلن هیچ قندهی علاقهسی یوق دیر. گریشام گه کوره، بو سفردن آق سرای دهگی رسمیلردن بیرقطاری خبر بولیشگن.
بو بیرینچی مرته کیم، آمریکا جمهور باشلغی دونالد ترامپ افغانستانگه سفر قیلهدی و بوندن آلدین عراق مملکتیگه هم سفر قیلگن ایدی.
ترامپ ایکی ساعت افغانستانده قالگن و بو جریانده عسکرلریگه فیلمرغ گوشتی توزیع قیلگن.
.jpg)
اوشبو سفرده آمریکا قوشمه ایالاتلری نینگ قوشمه حربیلرینی باشلیغی جنرال مارک میلی، یقین قیلهجکلردن افغانستانلیکلر ارا سوزلشوولر باشلهنیشیدن امیدوارلیک بیلدیرگن.
جناب ترامپ نینگ افغانستان جمهور باشلیغی محمداشرف غنی بیلن اوتکزگن 15 دقیقهلیک اوچرهشوویده ایتیشیچه، «طالبان گروهی کیلیشووگه قول تاپیشنی ایستهیدی، کورهمیز کیلیشووگه قول تاپهدیمی یا-ده یوق. کیلیشوو حاضر بولسهلر یخشی و حاضر بولمسهلر هم اونملی ایمس، اونینگ ایتیشیچه، آق سرای طالبان گروهی بیلن کیلیشوونی ایستهریدی، بیراق آمریکالیک بیر عسکرنینگ طالبان تامانیدن اولدیریلگنی باعث، آمریکا کیلیشوونی رد قیلدی.»
آمریکا جمهور باشلیغی نینگ کوپهیتیریشیچه، تینچلیک سوزلشوولر سونگی آیلرده قطار یوتوقلرگه قول تاپگن و طالبان گروهی هم آتیشکیسین ایستهیدی.
افغانستان جمهور رئیسی محمداشرف غنی، جناب ترامپ نینگ حضوریده صحبت قیلیب آمریکالیک عسکرلرنینگ افغانستانده قیلگن فداکارلیکلریدن منتدارلیک بیلدیرگن.
جناب ترامپ نینگ حضوری و محمداشرف غنیگه قرشی حرکتی اجتماعی ترماقلر و مملکت یشاوچیلرینینگ جدی واکنشلری بیلن روپهره بولگن. جناب ترامپ صحبتلری یکونلنگنیدن سونگ، جناب غنینی آمریکالیک عسکرلر آرهسیده هدایت قیلگن و اوندن سونگ، جناب غنی آمریکالیک حربیلر آرهسیده جایلشگن.
مملکت یشاوچیلرینینگ ایتیشیچه، دپلوماتیک عرفلرگه قرهگنده، دونالد ترامپ نینگ محمداشرف غنی بیلن جمهورلیک ریاستیده اوچرهشیشی کیرهک ایدی.
