حکومت اجراییه ریاستینینگ باشلیغی عبداللهعبدالله مخدر مادهلرگه قرشی کورهش مناسبتی بیلن ویدیویی پیام ترقهتیب، مملکتده مخدر مادهلرگه قرشی کورهش اوچون دنیا جماعه چیلیگی همکارلیک قیلیشگه احتیاج بار دیگن.
او، ملی بیرلیک حکومتینینگ ادارهسی مخدر مادهلرگه قرشی کورهشیش اوچون شهی تورگن دیگن.
عین حالده، مملکت مخدرمادهلرگه قرشی کورهش وزیرلیگینینگ سوزلاووچیسی حنیف دانشیار، بیر ییلده افغانستانده 70 میلیارد دالرلیک مخدر ماده ایشلب چیقاریلهدی دیگن. اونگه کوره، بو مبلغنینگ 68.5میلیاردی تقشی دولتلرگه و فقط 1.5 میلیاردی قوراللی طالبلر، قاچاقچیلر دهقانلر جونتگیگه کیرهدی دیدی.
نمایندهلر مجلسینینگ ایکینچی کاتبی حسیبالله کلیمزی، افغانستان دنیانینگ 70% مخدر مادهسینی ایشلب چیقارهدی دیگن.
مخدر مادهلرگه قرشی کورهش وزیرلیگینینگ بلند مرتبهلی رسمیلری افغانستان بویلب حاضر اوچ میلیون کیشی مخدر مادهلرگه بیریلگن دیگنلر. ایتیلیشیچه، اولرنینگ 800 مینگی نی عیاللر تشکیل ایتهدی. شونینگدیک رسمی حساباتلرده بو رقم نینگ بیر میلیونی 18 یاشدن قویی بولگنلر تشکیل بیرگن. عین حالده، رسملری مملکت بویلب مخدر مادهلرگه بیرلگنلرنی دوالش اوچون 101 صحی مرکز موجودلیگی بارهسیده خبر بیرماقدهلر.
