افغانستان جمهور رییسی اوتگن ییللرگه نسبتن شرایط اوزگرگن دیدی. حاضر یوتیش حکومتنینگ قولیده دیدی غنی. جمهور رییسلیک سراییده هیت نمازی اوقیلگندن کیین موعظه قیلگن جمهور رییسغنی ینه بیر مرته قوراللی طالبلردن تینچلیک مذاکرهسیگه قویشلیشلرینی سورهگن. بولمهگن ده، " تینچلیک آوازیگه رد جواب بیریشگن، طالبلرنینگ آغیر تاوان تولیشلریگه توغری کیلهدی"
جمهور رییسگه کوره، افغانستان ملی کوچلری سابقدن کوره، جوده کوچلی بولگن. غنی، مملکت ملی کوچلری منطقهده ییریک بیر قدرتگه ایلنهیپیتی دیدی.
خلق ارا حربی کوچلرینینگ هجوملری آشگنلیگی بارهسیده اشاره قیلگن جمهور رییس غنی، افغانستان دنیا همجمعیتینینگ ایشانچلی همده مسوویتلی بیر شریگی ایکنلیگی اثباتلیدی دیگن.
شونینگدیک مملکت رهبری جمهور رییس غنی وارسا کنفرانسیده اشتراک قیلیش اچون خلق ارا اورتاقلر بیلن تورلی مسالهلر اوستبده صبحث قیلیب، افغانستان ملی کوچلری تقویت ایتیلیشی اوچون خلق ارا همجمعیت دولتلرنینگ مالی همکارلیکگی جلب قیلیشگه موفق بولدی دیگن.
اساسن افغانستان ملی کوچلرینی حمایت قیلیش مسالهسیگه بغیشلگن وارسا ییغین شمالی اتلانتیک (ناتو)گه اعضا مملکت لرنینگ رهبرلری اشتراکیده جاری آیینینگ سکیزینچی و توقیزینچی سیده پولند پایتختی وارساده اوتکزیلیشی ریجه لنتیریلگن.
عین حالده، جمهور رییس غنی، مملکت نینگ دشمنلری افغانستان آلغه سیلجیشی اوچون سعی وحرکت قیلیشلریگه قرهمی، حکومت آخیرگی وقتلرده بیر قنچه آستقورمه لایحهلرنی عملگه آشیریش اوچون موفق بولگن دیگن. چابهار بندری، آقینه تیمیر یولی، چین، تاجیکستان و اوزبیکستان تیمیر یولی ییریک آستقورمه برنامه لردن بولگن لیگینی اوستیده تاکید قیلگن.
عین حالده، افغانستان رهبری افغان ملی کوچلرینینگ حربی قابلیتی آشیشی و باشقه تاماندن بوحربی لر خلق ارا کوچلری تمانیدن حمایت ایتیلیشی قوراللی طالبلرگه کوتیلمهگن ضربه بیرگن لیگی اوستیده تاکید قیلگن.
ترورچیلرنینگ بوزغینچلیک فعالیتلر آشگن لیگی حقیده اشاره قیلگن جمهور رییسغنی بوندن ایکی کون آلدین سعودی عربستانی نینگ مدینه منوره شهریده جایلش مسجدالنبی ده صادر ایتیلیگن خودکش ترورچی لر چیگره تانیمسلیک لرینی انگلتهدی دیگن.
اخیرگی وقتلرده مملکتده انتحاری هجوملر میزانی آشگن بیر چاغده جمهور رییس بو گپلرنی ایتگن. اوتگن هفته پنجشبنه کابلنینگ پغمان منطقهسیده عملگه اشیریلگن هجومده میدان ودرک پولیس طلبه لرینینگ 32 هلاک بولیب،58 کیشی2 آغیر یینگیل یرهلنگن ایدی.
