سلاموطندار میدیا ترماغی سیلاولر شکایتلرینی تینگلش کمیسیونی سابق باشلیغی عبدالعزیز آریایی بیلن خاص صحبت اوتکزگن. اوشبو خاص صحبتده جناب آریایی، سیلاولر قانونی اوزگریلیشی خصوصیده، حکومت نینگ «ناقانونی» ایشلرینی آچیقلهگن و شونینگدیک، «جمهورلیک ریاستیده خاص تشکیلات گه» اشاره قیلیب و سیلاولر شکایتلرینی تینگلش کمیسیونی گه کیرگنیدن باشلب خاص بیر تشکیلات تامانیدن چیکلنتیریلیشی خصوصیده سعی و حرکت باشلنگن. آریایی بیلن اوتکزیلگن خاص صحبت متنی بوندن عبارت.
ژورنالیست: سیزنینگ سیلاولر شکایتلرینی تینگلش کمیسیونیدن چیکلهنیشینگیزگه نیمه سبب بولدی؟
آریایی: بو سوراققه جواب ایتیشیم کیرهک کیم، مینینگ چیکلنتیریلیشیم فردی بیر موضوع ایمس ایدی، چونکه بوندهی بولگنده ایکی مرته استعفام قبول قیلینردی. سیلاولر کمیسیونلری مسؤوللری نینگ چیکلنتیریلیش موضوعی توپلم شکلده ایدی و مینینگ فکریمچه سیلاولر کمیسیونلریده کیریتیلگن اوزگریشلر سیلاولرده اصلاحات کیریتمهی، بلکیم سیلاولرنی قیینچیلیککه دوچ قیلگن.
ژورنالیست: سیزنینگ چیکلنتیریلیشینگیزگه سیلاولر شکایتلرینی تینگلش کمیسیونیده قیلگن ایشلرینگیزنی قنچهلیک رولی بار؟
آریایی: مین ایشیم دورانیده سیلاولر کمیسیونلری ایرکینلیکلرینی قیتردیم. بیراق ایریم قیینچیلیکلر هم موجود ایدی. ایشلاوچیلردن بیرقطاری، وقت آزلیگی باعث، تعلیماتی دورهلردن فایدهلنه آلمهدیلر و بو موضوع قیینچیلیکلرگه سبب بولدی. لیکن، توپلم شکلده سیلاولر شکایتلرینی تینگلش کمیسیونی نینگ ایشی یخشی ایدی.
ژورنالیست: حکومت تامانیدن بیر کون چیکلنتیریلیشینگیزنی توشونردینگیزمی؟
آریایی: حکومت تشکیلاتیده چیکلنتیریش و تعیین قیلیش عادی بیر موضوع دیر. لیکن مین بیرینچی کون ایشیم دن باشلب حکومت تامانیدن باسقین آستیده ایدیم. حکومت هردایم بو پستده ایستهگن کیشینی تعیین قیلیش خصوصیده سعی و حرکت قیلردی، شو یوزهدن بیز هر بیر قرار آلسک استعفاء بیریش اوچون تهدید بولردیک.
ژورنالیست: سیزنینگ باسقین آستیده آلگن کیشیلر حکومت تشکیلاتیده قیسی بیر درجه ده ایدی؟
آریایی: بیزنی باسقین آستیده آلگن کیشیلر جمهور رئیس بیلن یخشی علاقهده ایدیلر. بیر موضوع ده بیز سیلاولر شکایتلرینی تینگلش کمیسیونی دبیرخانه ادارهسی نینگ 5 اعضاسی نی ایشدن آلدیک، جمهور رئیس تامانیدن ایشدن آلینیش توغریسیده آگاهلنتیریلدیک. حکومت ییریک ایشلاوچیلرینی ایشدن آلیش جمهور رئیس اوچون عادی بیر ایش دیر و عین حالده، بیز تورتینچی بست ایشلاوچیلریدن بیرینی ایشدن آلگنیمیزده، قارهلاوچیلیککه حجت ارایه قیلیشیمیز کیرهک.
ژورنالیست: سیز جمهور رئیس نینگ دوسیهلریگه اشاره قیلدینگیز. بو دوسیهلر نیمهنی بیان قیلهدی؟
آریایی: بیزلر جمهورلیک ریاستی نامزدلری نینگ رویخطی نی تیکشیردیک و اولرنینگ حجتلریده کوپینچه کمچیلیکلر بار ایدی. جمهور رئیس غنی نینگ تیرمه جماعهسی شامل جمهورلیک ریاستی نامزدلریدن بیرقطاری، کاندید قیلیش شرایطی گه ماس ایمس ایدیلر و قانون اساسیده، بو نامزدلر سونگی رویخطدن چیقاریلیشی کیرهک ایدی.
ژورنالیست: سیز ایشینگیز دورانیده سیلاولر ایرکین کمیسیونی آرهسیده اویغونسیزلیکدن صحبت قیلردینگیز، بونی دلیلی نیمه ایدی؟
آریایی: او زمانده سیلاولر ایرکین کمیسیونی وقتی بیلن اخبارات و معلومات نی بیزلرنینگ اختیاریمیزده قویمس ایدی. اولرگه کوره، بیز اولرنینگ اوستیگه حکم قیلهمیز و شو یوزهدن قیینچیلیکلرینی بیزلر بیلن شریک قیلمس ایدی.
ژورنالیست: سیلاولر کمیسیونلری باشلیغلری چیکلنتیریلیشی گه جمهور رئیس و اجراییه باشلیغی دخیل می؟
آریایی: بیزلر اوچون بو قرار کیم تامانیدن آلینگنی اونملی ایمس دیر، بو قرار توپلم شکلده آلینگن بولسه هم توغری بیر قرار ایمس ایدی.
ژورنالیست: سیلاولر کمیسیونلری ینگی کمیشنرلری سیزنی ایشسیزلیککه عیبلب ایتیشلریچه، سیلاولر شکایتلرینی تینگلش کمیسیونیده هیچ بیر ایش قیلینمهگن. بو توغریده جوابینگیز نیمه دیر؟
آریایی: بو سوزلرنی مین قبول قیلمهیمن و بو سوزنی هر کیم سوزلهگن بولسه ناتوغری سوزلهگن.
هر بیر کیشی ینگیلیکده بیر اداره گه کیرگن حالده، او ادارهنی محیطی و ایشی دن توغری و دقیق شکلده معلوماتی بولمهیدی. سیلاولر شکایتلرینی تینگلش کمیسیونی اعضالری گه کیریتیلهدیگن باسقینلر اولرنی اوتمیش گه باغلب و مسؤولیت نی سابق رسمیلرنینگ بوینیگه تشلشلری توغریسیده مجبورلهیدی. سیلاولر شکایتلرینی تینگلش کمیسیونی قیینچیلیک چیقارهدیگن بیر ییر ایمس دیر، بلکیم بو کمیسیونده موجود بولگن دوسیهلر تیکشیریلیب و اولرنی توغریسیده قرار آلینیشی کیرهک.
ژورنالیست: حکومت فعالیتلریگیزگه دخالت قیلهریدی می؟
آریایی: حکومت دخالت قیلهریدی، بیراق بو دخالتلر فعالیتلریمیز اوستیگه تاثیر قیلمس ایدی؛ چونکه بیز الله و اهالیگه بیرگن وعدهلریمیزگه توختهگن ایدیک. تهدیدلر، فشارلر و دخالتلر بولگن حالده هم قانونگه اهمیت بیردیک.
ژورنالیست: قطار منبعلرگه کوره، جناب امرخیل نینگ چیکلنتیریلگنیدن سونگ، سیلاو کمیسیونلریگه قطار کیشیلر جمهور رییسدن حمایت قیلگنی باعث، یوقاری حقوق قولگه کیلتیرهریکن. مذکور کیشیلر سیزنی زمانیگیزگه هم بار ایدی می؟
آریایی: امرخیل سیلاولر ایرکین کمیسیونیگه ایدی، بیراق کمیسیونده ییترلیچه اصلاحات کیریتیلمهگن و انهشو سبب سابق سیلاوده استخدام ایتیلگن ایشلاوچیلر، اوتگن ییلدهگی سیلاونی قیینچیلیک بیلن روپهره قیلگنلر. امرخیل چیکلنتیریلگنیدن سونگ، سیلاولر کمیسیونلری فعالیتلریگه دخالت قیلیش سطحیگه ایمس ایدی، بیراق بیرقطار کیشیلر ایشسیزلیک و غفلت قیلگن حالده هم یوقاری حقوق قولگه کیلتیرهریدی.
ژورنالیست: قطار اعتراضچی نامزدلر، سیلاولر شکایتلرینی تینگلش کمیسیونی اعضالرینی رشوت آلیشگه عیبلگنلر، بو توغریده فکریگیز نیمه؟
آریایی: سیلاولر شکایتلرینی تینگلش کمیسیونی حکومت ادارهلری ایچیده اداری فسادگه قرشی مبارزه قیلهدیگن بیرینچی اداره ایدی. سیلاولر شکایتلرینی تینگلش کمیسیونی نینگ مینگلرچه ایشلاوچیسی بار، اولردن بیرقطاری بو کمیسیونی بدنام قیلیش اوچون فسادگه قول اورگن، بیراق سیلاولر شکایتلرینی تینگلش کمیسیونیگه فساد یولی باغلنگن ایدی. اگرده مین فساد قیلگن بولسم محکمهگه جواب قیتهریشگه حاضر من.
ژورنالیست: حکومت تامانیدن سیزلرگه قرشی دوسیه تیارلگن و بو دوسیه توغریسیده فکریگیز نیمهدی؟
آریایی: حکومت بو دوسیهلرنی باش قارهلاوچیلیککه یوبارگن و باش قارهلاوچیلیک هم اولرنی تیکشیرماقده. بیزلرنی چیکلنتیریلیش دلیلی هم انهشو عقدهلر ایدی.
ژورنالیست: حکومت نیمه ایستهیدی؟
آریایی: بو سوراقنی حکومتدن سورهش کیرهک، بیراق سیلاولر کمیسیونلری اعضالرینینگ چیکلنتیریلیشی سیاسی بیر قرار ایدی.
ژورنالیست: ذکر قیلیشدن قورقهدیگن بیر موضوع بار می؟
آریایی: کوپ قطار موضوعلر بار و مینی توغری و آچیق صحبتلریم چیکلنتیریلیشیمگه سبب بولگن موضوعلردن بیری دیر.
ژورنالیست: بیر دوره سیلاونی مدیریت قیلدیگیز. سیلاولر کمیسیونلری وضعتینی قندی تخمین قیلهسیز؟
آریایی: سیلاولر شکایتلرینی تینگلش کمیسیونیگه لازم صلاحیتلرنی قولگه کیلتیرگن ایدیک. بیراق کمیسیون ینگی اعضالریگه او صلاحیت یوق دیر. هر زمان قیینچیلیکلر بار، بیراق اصلاحات کیلتیریلگن صورتده، یوتوقلرگه قول تاپیشلری ممکن. حاضرده حکومت نینگ سیلاولر کمیسیونلریگه همکارلیک قیلمهیشی اساسی قیینچیلیکلردن دیر.
سلاموطندار: افغانستان کیلهجک سیلاونی قندی تخمین قیلهسیز؟
آریایی: بولگن حجتلرگه کوره، بدبختانه افغانستان کیلهجک سیلاوینی یخشی تخمین قیلمیمن. جاری بولگن تینچلیک سوزلشوولر سیلاو اوستیگه تاثیر قویگن. بیراق تینچلیک بولمی سیلاو یولگه قویلگن صورتده، بو سیلاو افغانستان سیاسی کیلهجگینی فاجعه تامان آلیب بارهدی.
