نمایندهلر کینگشینینگ دوشنبه کونگی ییغینیده، مجلس نمایندهلریدن بیرقطارینینگ اورتهسیده لفظی قرهمه قرشیلیک یوزبیردی.
نمایندهلر کینگشینینگ عمومی ییغینیدهگی قرهمه قرشیلیک، نمایندهلردن بیرقطاری 500 کیلو ولت برق سالنگ یولیدن اوتکزیلیشی توغریسیده برشنا شرکتینینگ قراریگه قرشی ناراضیلیکلرگه نسبتن، 14 ولایتنی بامیان و دایکندیگه قربانلیک قیلیشگه هیچ کیمگه رخصت بیرمسلیگینی ایتگن بیرچاغده یوزبیردی.
نمایندهلر کینگشی اعضاسی محمودخان سلیمانخیلنینگ ایتیشیچه، مذکور ایکی ولایتگه برق بیریلیشیگه قرشی ایمس، بیراق هر بیر شکلده برق لینی سالنگدن اوتکزیلیشی کیرهک.
اونگه کوره، توتاپ لایحهسی سالنگدن اوتکزیلیشیگه قرشی ناراضیلیکلر، ایران و پاکستان استخبارات تشکیلاتی تامانیدن ریجهلنگن و بو مملکتلر افغانستان خلقینینگ اورتهسیده اتفاقسیزلیک کیلتیریش اوچون سعی و حرکت قیلهدی.
سلیمانخیلنینگ اوشبو بیاناتی، نمایندهلر کینگشی اعضاسی صدیقه مبارزنینگ جدی قرشیلیگیگه روپهره بولدی. خانم مبارز عکسینچه مجلس نمایندهلریدن بیرقطارینی چیت ایل استخباراتی تشکیلاتلرگه همکارلیک قیلیشگه عیبلهدی و بو بیانات نمایندهلر کینگشینینگ باشقه بیر اعضاسی شینکی کروخیلنینگ قرشیلیگیگه روپهره بولدی.
اوشبو لفظی قرهمه قرشیلیکلر قوشیمچه، نمایندهلر کینگشی باشلیغی عبدالرووف ابراهیمینینگ ایتیشیچه، مجلس آدرسیدن بیراوگه اهانت قیلیشگه کیمسه نینگ حقی یوق دیر.
اونگه کوره، خلق نمایندهلری تامانیدن قومی قرهمه قرشیلیکلر آلغه آلیب باریلیشی، حقیقی وکالت خصوصیده اولرنینگ ظرفیت سیزلیگینی کورستهدی.
مجلس باشلیغی، نمایندهلردن حکومت ایشیگه ارهلشمسلرینی سورهدی.
500 کیلو ولت برق لینی سالنگدن اوتکزیلیشی خصوصیده برشنا شرکتینینگ قراریگه قرشی ناراضیلیکلر، کون اوتیشی بیلن خواطرلی بولماقده. اوشبو لایحه توغریسیدهگی قرهمه قرشیلیکلر حکومت تیزیمی اوستیگه سلبی تأثیر تشلهگن. گزارشلر اساسیده، حکومت ییریک رسمیلریدن بیرقطارینینگ آگاهلنتیریشیچه، برق لینی بامیان یولیدن اوتیشی خصوصیده ایجابی جواب بیریلمسه، حکومتدن چیتلنهدیلر.
